ساعىنتايەۆ حالىقارالىق ۆاليۋتا قورىنىڭ قازاقستانداعى ميسسياسى باسشىسىمەن كەزدەستى

استانا. قازاقپارات - بۇگىن ۇكىمەت ۇيىندە ق ر پرەمەر-ءمينيسترى باقىتجان ساعىنتايەۆ حالىقارالىق ۆاليۋتا قورىنىڭ قازاقستانداعى ميسسياسىنىڭ باسشىسى مارك حورتونمەن كەزدەستى.

بۇل تۋرالى primeminister.kz سايتىندا حابارلاندى.

كەزدەسۋ بارىسىندا ح ۆ ق- مەن ماكروەكونوميكالىق جانە سالىق-بيۋجەت ساياساتىن، قارجى سەكتورىنىڭ قىزمەتىن دامىتۋ، سونىمەن قاتار «نۇرلى جەر» جانە «100 ناقتى قادام» ۇلت جوسپارى اۋقىمدى باعدارلامالارىن، جەكەشەلەندىرۋ، جەر رەفورماسى باعدارلامالارى مەن «استانا» حالىقارالىق قارجى ورتالىعىن ىسكە اسىرۋ بويىنشا ودان ارعى ءوزارا ءىس-قيمىل ماسەلەلەرى تالقىلاندى.

حالىقارالىق ۆاليۋتا قورىنىڭ قازاقستانداعى ميسسياسىنىڭ باسشىسى مارك حورتون قازاقستانداعى وڭ وزگەرىستەردى اتاپ ءوتى. ورتاشا مەرزىمدى كەزەڭدە الەمدىك ەكونوميكادا، قارجى جانە تاۋارلىق نارىقتاردا تۇراقتى جاعدايدى ساقتاۋ كوزدەلىپ وتىر.

«قازاقستان «جاڭا قالىپتى جاعدايعا» ءساتتى بەيىمدەلدى جانە يكەمدى ەكونوميكا مودەلىن ۇستانۋىن جالعاستىرىپ كەلەدى. ماكروەكونوميكالىق تۇراقتىلىق پلاتسدارمى - مەملەكەت جۇرگىزىپ وتىرعان مونەتارلىق جانە قازىنالىق ساياسات، تۇراقتى قارجى سەكتورى مەن قور نارىعى»، - دەدى م. حورتون.

م. حورتون اتاپ وتكەندەي، ىسكە اسىرىلىپ جاتقان باعدارلامالىق قۇجاتتارمەن قاتار، ەكونوميكالىق ءوسىمنىڭ قوزعاۋشى كۇشى ءتورتىنشى ونەركاسىپتىك رەۆوليۋتسيا جانە جاپپاي سيفرلاندىرۋ ەلەمەنتتەرىن ەنگىزۋدى ەسكەرۋمەن ەكونوميكا سالالارىن تەحنولوگيالىق جاڭعىرتۋ بولىپ تابىلادى. جاڭاشىلدىقتاردىڭ نەگىزگى يەلەنۋشىلەرى وڭدەۋ سەكتورى، اۋىل شارۋاشىلىعى، كولىك جانە لوگيستيكا، سونىمەن قاتار قۇرىلىس بولادى.

«يندۋستريالىق-يننوۆاتسيالىق دامۋ، تۇرعىن ءۇي قۇرىلىسىن ينفراقۇرىلىمدىق دامىتۋ، ەكونوميكانى سيفرلاندىرۋ جانە باسقا دا باعدارلامالاردى ىسكە اسىرۋدىڭ ارقاسىندا ەكونوميكانىڭ بارلىق سالالارىن العا جەتەلەيتىن دامىتۋ قامتاماسىز ەتىلگەن. ءبىز سىزدەرگە بارلىق مەملەكەتتىك باعدارلامالاردى ىلگەرىلەتۋ مەن ءساتتى ىسكە اسىرۋدا قولداۋ بىلدىرەمىز»، - دەدى ح ۆ ق ميسسياسىنىڭ باسشىسى.

ق ر پرەمەر-ءمينيسترى باقىتجان ساعىنتايەۆ قازاقستان ۇكىمەتى ح ۆ ق ءوزارا ءىس-قيمىل تاجىريبەسىمەن الماسۋعا جانە ۇزدىك پراكتيكالارىن تاراتۋعا ىقپالىن تيگىزۋگە ءازىر ەكەنىن اتاپ ايتتى.

قازاقستان 1992-جىلى 15- شىلدەدە ح ۆ ق مۇشەسى بولدى. 2010-جىلدىڭ كۇزىنەن باستاپ ق ر ح ۆ ق شۆەيتساريالىق توبىنا ەندى (بۇرىن قازاقستان حۆق بەلگيالىق توبىنا ەنگەن ەدى)، وعان شۆەيتساريا، پولشا، سەربيا، ازەربايجان، قىرعىزستان، تۇرىكمەنستان، تاجىكستان ەلدەرى دە كىرەدى.