استانا ماڭىنداعى اۋداندارعا قاشان گاز تارتىلادى
استانا ماڭىنداعى اۋدانداردى گازداندىرۋ مەملەكەت باسشىسىنىڭ تاپسىرماسىمەن اۋقىمدى «سارىارقا» ماگيسترالدى گاز قۇبىرىن تارتۋ جوباسى اياسىندا ىسكە اسپاق.
« قىزىلوردا - قاراعاندى - استانا» ماگيسترالدى گاز قۇبىرىنىڭ 1-ۋچاسكەسىنىڭ قۇرىلىسى اياسىندا 2019 -جىلى «ارشالى» اۆتوماتتى گاز ۇلەستىرۋ ستانتسياسىنان، سونداي- اق «استانا» 1- جانە 2- اۆتوماتتى گاز ۇلەستىرۋ ستانتسيالارىنان، ارشالى، سەلينوگراد اۋداندارىن گازداندىرۋ مۇمكىندىگى تۋىندايدى.
«ۇستىمىزدەگى جىلدىڭ مامىر ايىندا وبلىستىق بيۋدجەتتەن «قىزىلوردا - استانا» گاز قۇبىرىنا جاناساتىن ەلدى مەكەندەردىڭ جوبا- سمەتالىق قۇجاتتامالارىن ىسكە اسىرۋعا 100 ملن تەڭگە (باستاپقى كەزەڭ) ءبولىندى. سونىڭ ىشىندە تسەلينوگراد اۋدانىنا 43,9 ميلليون ءبولىنىپ وتىر. ەلدى مەكەندەرگە گاز تارتۋ ەكى كەزەڭمەن جۇرگىزىلەدى. الدىمەن كىشى تيموفەيەۆكا، قوياندى، شۇبارى اۋىلدارى، ال ەكىنشى كەزەڭدە اقمول، قوسشى، قاراوتكەل، پريرەچنوە اۋىلدارى گازداندىرىلادى»، - دەيدى ۆەدومستۆوداعىلار.
ارشالى اۋدانى ءبىرىنشى كەزەڭدە انار، دونەتسكوە، تۇرگەن، بەرسۋات، بايدولا، ارشالى، اقبۇلاق، اقتاس، يجيەۆسك، شوپتىكول، باباتاي، ارناساي، ۆولگودونوۆكا، 42-رازەزد، قويگەلدى، جالتىركول، جىبەك جولى اۋىلدارىن گازداندىرۋ ءۇشىن 56,1 ميلليون تەڭگەنى يگەرەدى.
«ەكىنشى كەزەڭدە سەلينوگراد جانە ارشالى اۋداندارىنىڭ 151 مىڭ تۇرعىنى بار 44 ەلدى مەكەنىن گازداندىرۋ جوسپارلانىپ وتىر. استانا - كوكشەتاۋ ۋچاسكەسىندەگى گاز قۇبىرىنىڭ ەكىنشى كەزەڭى 2022 -جىلى باستالادى»، - دەيدى ۆەدومستۆو وكىلدەرى.
