گولوۆكين - «كانەلو» جەكپە- جەگىنە ارناۋلى بەلدىك تاڭداپ الىندى

استانا. قازاقپارات - بۇكىلالەمدىك بوكس كەڭەسى (WBC) گەننادي گولوۆكين (38-0-1, 34 ك و) مەن ساۋل الۆارەستىڭ (49-1-2, 34 ك و) قىركۇيەكتەگى جەكپە- جەگىندە ساراپقا سالىناتىن ارناۋلى بەلدىكتى تاڭداۋ ءۇشىن جانكۇيەرلەر اراسىندا ساۋالناما جۇرگىزدى، دەپ حابارلايدى Sports.kz.

ساۋالناماعا قاتىسقان جانكۇيەرلەردىڭ %54 اق بەلدىككە، %46 جاسىل بەلدىككە داۋىس بەرگەن. وسىعان وراي، جەكپە- جەكتىڭ جەڭىمپازى الاتىن WBC  ءدىڭ ارناۋلى بەلدىگى اق تۇستە بولادى.

 ەسكە سالا كەتەيىك، «كانەلو» - GGG ءدىڭ العاشقى كەزدەسۋىندە ارناۋلى بەلدىكتى مەكسيكاداعى ۋچيولي ءۇندى تايپاسىنىڭ قولونەر شەبەرلەرى ازىرلەگەن بولاتىن. ال مەكسيكانىڭ «سينكو دە مايو» مەرەكەسى كۇنى وتكىزگەن جەكپە- جەگىندە ۆانەس مارتيروسياندى (36-4-1, 21 ك و) جەڭگەن گولوۆكين سەلتالي تايپاسىنىڭ شەبەرلەرى ازىرلەگەن بەلدىكتى العان ەدى.

گولوۆكين مەن «كانەلونىڭ» ەكىنشى كەزدەسۋى 15 - قىركۇيەك كۇنى لاس- ۆەگاستا وتەدى.