قازاقستان توقىما ونىمدەرىن قاي ەلدەرگە ساتادى؟

 استانا. قازاقپارات - 2018 -جىلدىڭ قاڭتار- ناۋرىزىندا قازاقستان جالپى قۇنى $43,1 ميلليون بولاتىن 24,7 مىڭ توننا توقىما بۇيىمدارى مەن ماتەريالدارىن ەكسپورتقا شىعاردى، دەپ حابارلايدى LS.

2017 -جىلدىڭ اتالعان مەرزىمىمەن سالىستىرعاندا زاتتاي تۇردە ءونىم جەتكىزۋ %12,6 عا ارتىپ، ال قاراجات تۇرىندە %40,2 عا ازايعان.

قازاقستان ونىمدەرى ەڭ ۇلكەن كولەمدە جەتكىزىلەتىن ەلدەر كوشىن لاتۆيا (قۇنى $9,8 ميلليون 5,9 مىڭ توننا) جانە مولدوۆا (قۇنى $11,1 ميلليون 6,5 مىڭ توننا) باستاپ تۇر.

سونىمەن قاتار، رەسەيگە 4,1 مىڭ توننا ($6,6 ميلليون)، قىتايعا 4,2 مىڭ توننا ($6,4 ميلليون)، تۇركياعا 1,6 مىڭ توننا ($2,6 ميلليون)، وزبەكستانعا 654,2 توننا ($881,5 مىڭ) ءونىم جىبەرىلگەن.

ليتۆا 651,1 مىڭ توننا ($1,9 ميلليون)، يتاليا 160,1 توننا ($584,8 مىڭ) قازاقستان توقىما بۇيىمدارى مەن ماتەريالدارىن ساتىپ العان.