سەرىك قوناقبايەۆ موڭعوليا پرەزيدەنتىمەن كەزدەستى
كەزدەسۋدە تاراپتار ازيا ايماعىندا بوكستى دامىتۋ پەرسپەكتيۆالارىن جانە موڭعول بوكسشىلارىنىڭ الەم بىرىنشىلىكتەرىندەگى جەتىستىكتەرىن تالقىلادى.
«موڭعوليا ازياداعى بوكس دامىعان جەتەكشى ەلدەردىڭ ءبىرى ءارى وسى مارتەبەسىن لايىقتى قورعاپ كەلەدى. ەلدە مەملەكەت تاراپىنان سپورتتى دامىتۋعا باسا نازار اۋدارىلۋدا. قازىرگى كەزدە موڭعوليالىق بوكسشىلاردىڭ الدىندا وليمپيادانىڭ التىن مەدالىن جەڭىپ الۋ مىندەتى تۇر»، - دەدى سەرىك قوناقبايەۆ.
موڭعوليا پرەزيدەنتى ازيا بوكسىن دامىتۋعا قوسقان سۇبەلى ۇلەسى ءۇشىن سەرىك قوناقبايەۆتى «التىن جۇلدىز» وردەنىمەن ماراپاتتادى.
سەرىك قوناقبايەۆ موڭعوليا ۇلتتىق وليمپيادالىق كوميتەتىنىڭ پرەزيدەنتى دەمچيدجاۆ زاگدسۇرەنمەن كەزدەسىپ، الەمدىك وليمپيادالارداعى موڭعول بوكسىنىڭ بولاشاعى تالقىلاندى. موڭعوليانىڭ ۇلتتىق وليمپيادالىق كوميتەتى سەرىك قوناقبايەۆتى «وليمپيادا داڭقى» قۇرمەتتى مەدالىمەن ماراپاتتادى.
20 -ماۋسىم كۇنى موڭعوليانىڭ استاناسىندا بوكستان ءداستۇرلى حالىقارالىق Ulaanbaatar Box Cup ءتۋرنيرى باستالدى. وعان 12 مەملەكەتتەن كەلگەن 120-دان استام بوكسشى قاتىسىپ جاتىر.
