21:53, 15 - ماۋسىم 2018 | GMT +6
كورەيالىق دارىگەر ەكى جەتىم قازاق بالاسىنا اقشا اۋداردى
استانا. قازاقپارات - وڭتۇستىك كورەيا، ەنسە مەديتسينالىق ۋنيۆەرسيتەتىنىڭ پروفەسسورى چانگ حان سوك ەكى جەتىم بالاعا اقشا اۋداردى.
دارىگەر اقتوبەگە وتا جاساۋعا كەلگەن، دەپ حابارلايدى Aktobenews.kz.
چانگ حان سوك ەكى قازاق بالاسىنىڭ تۇرعىن ءۇي قۇرىلىس جيناق بانكىندەگى ەسەپشوتىنا اقشا اۋداردى. قازاق دارىگەرلەردى مەرەكەسىمەن قۇتتىقتاپ، تىلەگىن ايتتى.
«ءبىزدىڭ ورتاق ماقساتىمىز - ادامداردىڭ ءومىرىن قۇتقارۋ. ءبىز ءبىر- بىرىمىزگە كومەكتەسىپ، قولداۋ بىلدىرسەك ماقساتىمىزعا جەتەمىز. ەكى ەل اراسىنداعى بايلانىستىڭ نىعايۋى ءۇشىن قولدان كەلگەن كومەگىمىزدى بەرەمىز» ، - دەدى پروفەسسورچانگ حان سوك.
كورەيالىق دارىگەر قالقانشا بەز وتاسىن جاساپ، ەلىمىزدەگى دارىگەرلەرگە تاجىريبەسىن كورسەتتى. جاڭا تەحنولوگيانىڭ سىرىن ۇيرەتتى.
