ءدىننىڭ ءومىر ءسۇرۋ ۇزاقتىعىنا وڭ اسەر ەتەتىنى دالەلدەندى

استانا. قازاقپارات - وگايو ۋنيۆەرسيتەتىنىڭ عالىمدار توبى ءدىننىڭ ءومىر ءسۇرۋ ۇزاقتىعىنا وڭ اسەر ەتەتىندىگىن دالەلدەدى.

بۇل تۋرالى The Independent حابارلادى.

ماماندار ءدىندى ۇستانعان ادامدار جاراتۋشىعا سەنبەيتىندەرگە قاراعاندا 5,54 جىل ۇزاق ءومىر سۇرەتىنىن دالەلدەدى.

زەرتتەۋدىڭ نەگىزگى بولىگىندە 42 شتاتتىڭ مىڭداعان نەكرولوگتارىنىڭ دەرەكتەرى پايدالانىلدى. عالىمدار ولاردىڭ نەگىزىندە قايتىس بولعانداردىڭ ءدىني كوزقاراستارى مەن ءومىر سالتىن تالدادى. ال ايوۆا شتاتىنداعى 500-گە جۋىق نەكتولاردىڭ دەرەكتەرىن زەردەلەگەندە، ءدىندارلار مەن اتەيستەردىڭ ءومىر ءسۇرۋ ۇزاقتىعىنىڭ ايتارلىقتاي ايىرماشىلىعىن كورسەتتى. وندا ولاردىڭ اراسىنداعى ايىرماشىلىق 6.48 جىل بولعان.

وسى ماسەلە جونىندە زەرتتەۋ جۇرگىزگەن عالىمدار بولدۋين ۋەي مەن لاۋرا ۋوللەس بۇنى ءدىن جولىن ۇستاناتىن ادامدار كوپ ايماقتا تۇرۋىمەن بايلانىستىرادى. ولار دىنگە سەنۋشىلەردىڭ ءومىر ءسۇرۋ ۇزاقتىعىنا قارتايعاندا جالعىزدىق پەن تۇرمىس جاعدايىن شەشۋگە كومەكتەسەتىن بەلسەندى قوعامدىق ءومىر مەن ەرىكتىلىك اسەر ەتەدى دەيدى. سونداي-اق ءدىن جولىن ۇستانعان ادامدار جامان ادەتتەرگە جانە كۇيزەلىسكە اسا بەيىم بولا بەرمەيدى. مەديتاتسيا، يوگا جانە ناماز وقۋ، دۇعا ەتۋ ارتىق كۇش جۇمساۋدى، جاعىمسىز ويلاردى جەڭۋگە كومەكتەسەدى.

الايدا، ساراپشىلار بۇل ايقىن سەبەپتەر تەك قانا سەنۋشىلەر مەن اتەيستەردىڭ ءومىر ءسۇرۋ ۇزاقتىعى اراسىنداعى جىل سايىنعى سايكەسسىزدىك ەكەنىن تۇسىندىرەدى دەيدى.