قازاقستان ورتالىق ازيا ەلدەرىنىڭ جاستار كەڭەسىن قۇرۋدى ۇسىندى
11-12 -ماۋسىمدا تاشكەنتتە ق ر ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ «ەكسترەميزمگە كۇشتەۋ جانە تەرروريزمگە اكەلەتىن راديكالداۋعا قارسى ءىس- قيمىل جانە الدىن الۋدا جاستاردىڭ ءرولى تۋرالى» تاقىرىبىندا وتكەن حالىقارالىق كونفەرەنسيانىڭ جۇمىسىنا قاتىستى.
كونفەرەنسيانى وزبەكستانداعى ە ق ى ۇ جوبالارىنىڭ ۇيلەستىرۋشىسى، وزبەكستان رەسپۋبليكاسى وليي ءماجىلىسىنىڭ سەناتى جانە بىرىككەن ۇلتتار ۇيىمى ۇيىمداستىردى. ەكى كۇندىك كونفەرەنتسيا ەكسترەميزمگە كۇشتەۋ جانە راديكالدانۋدى بولدىرماۋ ءۇشىن جاستاردى تارتۋ قاجەتتىگى تۋرالى حاباردارلىعىن ارتتىرۋ جانە ساياسي ۇسىنىمدارىن ازىرلەۋگە باعىتتالادى.
كونفەرەنسياعا حالىقارالىق ۇيىمداردىڭ باسشىلارى، ورتالىق ازيا ەلدەرىنىڭ مەملەكەتتىك ورگاندارىنىڭ جانە ۇ ە ۇ وكىلدەرى، ساراپشىلار قاتىستى.
ۆيتسە- مينيستر ابزال نۇكەنوۆ «ەكسترەميزمگە جانە تەرروريزمگە كۇشتەۋگە قارسى ءىس- قيمىلداعى مەملەكەت پەن ازاماتتىق قوعامنىڭ ىنتىماقتاستىعى» پانەلدىك سەسسياسىندا ءسوز سويلەدى جانە مەملەكەت پەن ءدىننىڭ ءوزارا ءىس- قيمىلىنىڭ وزىندىك مودەلىن قالىپتاستىرۋ بويىنشا، قازاقستانداعى جاستاردىڭ دامۋى مەن الەۋمەتتەنۋىنە جاعداي جاساۋ ءۇشىن جۇرگىزىلىپ جاتقان جۇمىس تۋرالى ايتتى.
«ءبىز جاستاردى جان- جاقتى دامۋىنا قولايلى جاعداي جاساۋىمىز قاجەت. ءبىزدىڭ ماقساتىمىز - جاستاردى قولجەتىمدى بىلىممەن، جۇمىسپەن، ساپالى بوس ۋاقىتتارىن ساپالى وتكىزۋدى قامتاماسىز ەتۋ. وسى باعىتتا ءتيىستى كەشەندى جۇمىس جۇرگىزىلۋدە»، - دەدى ا. نۇكەنوۆ.
ۆيتسە- مينيستر ورتالىق ازيا ەلدەرى جاستارىنىڭ كەڭەسىن قۇرۋ مۇمكىندىگىن قاراستىرۋدى ۇسىندى.
«قازىرگى تاڭدا ورتالىق ازيا كەڭىستىگىندە ىنتىماقتاستىقتى دامىتۋ جانە ورتاق ماسەلەلەر بويىنشا بىرىگىپ شەشىم قابىلداۋعا جاڭا مۇمكىندىكتەر اشىلۋدا. جۇمىستى جۇيەلى جۇرگىزۋدىڭ ءتيىمدى مەحانيزمدەرىنىڭ ءبىرى رەتىندە ارىپتەستەرگە ءارتۇرلى سالا وكىلدەرىنەن قۇرالاتىن جاستاردى قامتيتىن ورتاازيالىق ايماق ەلدەرىنىڭ جاستار كەڭەسىن قۇرۋ مۇمكىندىگىن قاراستىرۋدى ۇسىنامىز. كەڭەس اياسىندا ءبىز وزەكتى ماسەلەلەردى، ونىڭ ىشىندە ەكسترەميزمنىڭ جانە تەرروريزمنىڭ الدىن الۋ ماسەلەلەرىن تالقىلاي الاتىن ەدىك»، - دەدى ۆيتسە- مينيستر.
قاتىسۋشىلار جاستار اراسىندا ەكسترەميزمگە جانە تەرروريزمگە اكەلەتىن راديكالدانۋدىڭ الدىن الۋ جانە وعان قارسى ءىس- قيمىل بويىنشا كەشەندى تاسىلدەردى تالقىلاپ، ءدىني راديكاليزمگە قارسى كۇرەستە جاستاردىڭ الەۋەتىن ءتيىمدى پايدالانۋ جونىندە ورتالىق ازيا ەلدەرىنە ارنالعان ۇسىنىمدار ازىرلەدى.
سونىمەن قاتار، كونفەرەنسيا بارىسىندا وزبەكستان رەسپۋبليكاسى ولي ءماجىلىسىنىڭ سەناتى ءتوراعاسىنىڭ ورىنباسارى سادىك سافايەۆ، ە ق ى ۇ باس حاتشىسى توماس گرەمينگەر، ب ۇ ۇ باس حاتشىسىنىڭ جاستار ءىسى جونىندەگى ۋاكىلى دجاياتما ۆيكراماناياكە، ب ۇ ۇ كونترتەرروريستىك باسقارما ديرەكتورى جەحانگير حان، ە و- نىڭ ورتالىق ازيا بويىنشا ارنايى وكىلى پيتەر بۋريان، وزبەكستان رەسپۋبليكاسى پرەزيدەنتىنىڭ جاستار ءىسى جونىندەگى مەملەكەتتىك كەڭەسشىسى، وزبەكستان جاستارىنىڭ وداعى ورتالىق كەڭەسىنىڭ ءتوراعاسى كاحرامون كۋرانبايەۆ ءسوز سويلەدى.
