قازاقستان مەن قىتاي اراسىندا ۆيزالىق رەجىمدە ەشقانداي وزگەرىس بولعان جوق - ق ر ەلشىلىگى
«قازاقستان مەن قىتاي اراسىندا ۆيزالىق رەجىمدە ەشقانداي وزگەرىس بولعان جوق. بۇل ۆيدەو 7 - ماۋسىمدا تۇسىرىلگەن. سول كۇنى ەلشىلىكتىڭ عيماراتىنىڭ الدىندا 200 گە جۋىق ادام بولدى. ولاردىڭ باسىم بولىگى - استاناداعى كونكۋرسقا باراتىن ق ح ر قورعانىس مينيسترلىگى اسكەري وركەسترىنىڭ مۋزىكانتتارى مەن LRT قۇرىلىسىنىڭ ۋاقىتشا جۇمىسشىلارى» ، - دەپ مالىمدەدى قازاقپارات تىلشىسىنە ق ح ر- داعى ق ر ەلشىلىگى ينتەرنەتتە تاراعان قازاقستان ۆيزاسىنا كەزەك تۋرالى ۆيدەوعا پىكىر بىلدىرە وتىرىپ.
ۆيدەودا بەينەلەنگەن ق ح ر- داعى ق ر ەلىشىلىگى كونسۋلدىق ءبولىمىنىڭ كىرەبەرىسىندە تاقتاداعى جازۋ «ق ح ر- داعى ق ر ەلىشىلىگى كونسۋل ءبولىمى 11 - ماۋسىمنان باستاپ تۇستەن كەيىن 16.00 دەن 19.00 گە دەيىن جۇمىس ىستەيدى» (哈萨克斯坦驻华大使馆签证处从2018年6月11月签证处的下午办公时间为16.00-19.00) دەپ اۋدارىلادى.
«قازىرگى تاڭدا ەشقانداي قاربالاس جوق. ەلىشىلىكتىڭ كونسۋلدىق ءبولىمى بۇرىنعى رەجىممەن جۇمىس ىستەپ جاتىر. جازعى ۋاقىتقا اۋىسقانعا دەيىن ساعات 15.00 دەن 18.00 گە دەيىن جۇمىس ىستەدىك» ، - دەپ اتاپ ءوتتى ديپلوماتيالىق وكىلدىكتەن.
ەسكە سالايىق، جەلىنى شۋلاتقان ۆيدەوداعى كادر سىرتىنداعى داۋىس كەزەكتىڭ ۇرىمجىدەگى قازاقستان ۆيزالىق قىزمەتىنىڭ الدىندا تۇرعانىن، سونداي- اق 6 -ماۋسىمنان باستاپ ق ر مەن ق ح ر اراسىندا ۆيزاسىز رەجىم ەنگىزىلگەنىن حابارلاعان.
