ەلباسى ساپارىنا وراي قىتايدىڭ اسكەري وركەسترى قازاقتىڭ حالىق ءانىن ورىندادى

بەيجىڭ. قازاقپارات - ق ر پرەزيدەنتى نۇرسۇلتان نازاربايەۆتى قارسى الۋ راسىمىندە حالىق جينالىسى ءۇيىنىڭ الدىنداعى الاڭدا قازاق حالىق ءانى «گۇلدەرايىم» ورىندالدى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

كەشە ق ر پرەزيدەنتى نۇرسۇلتان نازاربايەۆتىڭ ق ح ر- عا مەملەكەتتىك ساپارى اياسىنداعى شارالار اياقتالدى. بۇگىن جانە ەرتەڭ مەملەكەت باسشىسى قىتايدىڭ شىعىسىنداعى شاندۋڭ پروۆينسياسىنىڭ چيڭداۋ قالاسىندا وتەتىن شاڭحاي ىنتىماقتاستىق ۇيىمىنا (ش ى ۇ) مۇشە ەلدەردىڭ مەملەكەت باسشىلارى سامميتىنە قاتىسادى.

ەلباسىنىڭ بەيجىڭگە مەملەكەتتىك ساپارى بارىسىندا نۇرسۇلتان نازاربايەۆتىڭ ق ح ر ءتوراعاسى سي تسزينپينمەن كەزدەسۋ راسىمىندە العاش رەت قىتاي حالىق ازات ەتۋشى ارمياسىنىڭ اسكەري وركەسترى قازاق حالقىنىڭ «گۇلدەرايىم» ءانىن ورىندادى. ءان قازاقستان جانە قىتاي مەملەكەتتىك ءانۇراندارىنان كەيىن شىرقالدى.

ەسكە سالا كەتەيىك، ق ح ر ءتوراعاسى شي جينپيڭمەن كەلىسسوزدەر كەزىندە 9 بىرلەسكەن قۇجاتقا، سونىڭ ىشىندە بىرلەسكەن مالىمدەمەگە قول قويىلدى.

ەكى ەلدىڭ باسشىلارىنا تۇڭعىش قازاقستان- قىتاي كينوجوباسى «كومپوزيتور» ءفيلمى ۇسىنىلدى.

سونداي-اق، ق ر پرەزيدەنتى ق ح ر مەملەكەتتىك كەڭەسىنىڭ پرەمەرى لي كىشياڭمەن كەزدەستى.

بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى لي جانشۋمەن كەلىسسوزدەر جۇرگىزدى.

بەيجىڭدەگى حالىق باتىرلارى ەسكەرتكىشىنە گۇل شوعىن قويىپ، قىتايلىق بيزنەس كاپيتاندارىن قابىلدادى.

ساپار اياسىندا قازاقستان- قىتاي ىسكەرلىك كەڭەسىنىڭ 5- وتىرىسى بولىپ، وندا جالپى سوماسى 13 ميلليارد دوللاردى قۇرايتىن 40-تان استام كەلىسىمگە قول قويىلدى.