ەلباسى قىتايدا مۇناي كومپانياسىنىڭ باسشىسىن «دوستىق» وردەنىمەن ماراپاتتادى
بۇل جايىندا قازاقستان پرەزيدەنتى قىتايدىڭ بيزنەس كاپيتاندارىمەن كەزدەسۋى بارىسىندا ايتتى، دەپ حابارلايدى قازاقپارات ءتىلشىسى.
«قازاقستان رەسپۋبليكاسى پرەزيدەنتى جانىندا شەتەل ينۆەستورلارى كەڭەسى جۇمىس ىستەيدى. ول تۇراقتى تۇردە جىلىنا ءبىر رەت جينالىپ تۇرادى. ونىڭ مۇشەلەرىنىڭ ءبىرى CNPC كومپانياسىنىڭ باسشىسى ۆان يلين مىرزانى بۇگىن جۇمىسى، كومپانيانىڭ تابىستى جۇمىسى ءۇشىن «دوستىق» وردەنىمەن ماراپاتتادىم» ، - دەدى نۇرسۇلتان نازاربايەۆ.
ايتا كەتەيىك، ەلباسى نۇرسۇلتان نازاربايەۆ قىتايعا مەملەكەتتىك ساپارمەن كەلىپ، كەشە ق ح ر ءتوراعاسى شي جينپينمەن كەڭەيتىلگەن قۇرامدا كەلىسسوزدەر وتكىزدى.
ناتيجەسىندە بىرنەشە قۇجاتقا قول قويىلدى.
سونىمەن قاتار مەملەكەت باسشىسى ق ح ر مەملەكەتتىك كەڭەسىنىڭ پرەمەرى لي كىشياڭمەن، ق ر پرەزيدەنتى بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى لي جانشۋمەن كەزدەستى.
بۇگىن، 8 - ماۋسىم كۇنى نۇرسۇلتان نازاربايەۆ بەيجىڭدە حالىق باتىرلارى ەسكەرتكىشىنە گۇلدەستەسىن قويۋ شاراسىنا قاتىستى.
ال 10 - ماۋسىم كۇنى ق ر پرەزيدەنتى شيڭداۋ قالاسىندا وتەتىن شانحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ كەڭەسىنە قاتىسادى دەپ كۇتىلۋدە.
