قىلمىستىق جازالاۋدى الىپ تاستاۋ قاجەت - شەتەلدىك ينۆەستورلار
«شەتەلدىك ينۆەستورلاردىڭ قازاقستاندىق كەڭەسى» قاۋىمداستىعىنىڭ باسشىسى اگريس پرەيمانيستىڭ ايتۋىنشا، سوڭعى وتىرىستان كەيىن بىرنەشە جۇمىس توبى قۇرىلىپ، اربىرەۋى ءوز ۇسىنىستارىن ازىرلەدى.
«بىرىنشىدەن، ادام كاپيتالىن ءالى دە جاقسارتۋ قاجەت. اسىرەسە، قازىرگى وزىق تەحنولوگيالاردى ەسكەرە وتىرىپ، مامان دايارلاۋ ماسەلەسىنە باسا نازار اۋدارعان ءجون. سەبەبى ساپالى جۇمىس كۇشى ءالى دە جەتىسپەي جاتىر. ونداي پروبلەماعا شەتەلدىك ينۆەستورلار عانا ەمەس، جەرگىلىكتى كومپانيالار دا تاپ بولۋدا. ءدال وسى ماسەلە بيزنەستى دامىتۋعا قولبايلاۋ بولىپ وتىر. ەكىنشىدەن، جاڭا ەكولوگيالىق كودەكستى بىرلەسىپ ازىرلەۋ كەرەك. بۇگىندە قازاقستان قورشاعان ورتانى قورعاۋ ماسەلەسىنە ەرەكشە كوڭىل ءبولىپ كەلەدى. الايدا نورماتيۆتىك اكتىلەردى ازىرلەگەندە قازاقستاندىق ءوندىرىستىڭ جاھاندىق باسەكەلەستىگىن دە ەسكەرۋ كەرەك. سونىڭ ناتيجەسىندە ەكونوميكالىق ءوسىم دە بولادى. بىزدىڭشە، ايىپپۇلداردى سالعان كەزدە ناقتى دالەلدەر بولۋى قاجەت. سوسىن ەكونوميكالىق زالالدى جاناما باعالاۋدى الىپ تاستاعان دۇرىس»، - دەدى ا. پرەيمانيس بۇگىنگى وتىرىسىندا.
بۇدان بولەك، شەتەلدىك ينۆەستورلار سالىقتى ءوز ەركىمەن تولەگەن جاعدايدا قىلمىستىق جازالاۋدى الىپ تاستاۋدى ۇسىنىپ وتىر. سەبەبى سالىقتان جالتارۋ كەزىندە قىلمىستىق جازا قاراستىرىلعان. وسى ورايدا ولار ءىرى جانە اسا ءىرى زالالدىڭ كولەمىن قايتا قاراۋ قاجەت دەپ سانايدى.
«سوسىن شەتەلدىك كومپانيالاردىڭ فيليالدارى مەن بولىمشەلەرىنە قاتىستى قازىرگى ۆاليۋتالىق رەتتەۋدى قالدىرۋ قاجەت» ، - دەپ اتاپ كورسەتتى ا. پرەيمانيس.
جيىن بارىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك شەتەلدىك ينۆەستورلار كەڭەسىنىڭ جۇمىس تيىمدىلىگى تۋرالى ايتتى.
