شەتەلدىك ەلشىلەر استاناعا ارناپ ءان شىرقاماق
بۇل تۋرالى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ماكەدونيانىڭ قازاقستانداعى توتەنشە جانە وكىلەتتى ەلشىسى يليا پسالتيروۆ ايتىپ بەردى.
«قازاقستان استاناسىنىڭ مەرەيتويىن تويلاۋعا ارنالعان ۇلكەن جوباعا ءوز ۇلەسىمىزدى قوسقىمىز كەلدى. ويدا- جوقتا ديپلوماتتاردىڭ ونەر كورسەتۋى تۋرالى يدەيا پايدا بولدى، سەبەبى كوپتەگەن ەلشىلەر مەن ديپلوماتتار بوس ۋاقىتىندا مۋزىكامەن اينالىسادى. ءبىز ديپلوماتيالىق قانا ەمەس، مۋزىكالىق قابىلەتىمىزدىڭ دە بار ەكەنىن كورسەتكىمىز كەلدى» ، - دەدى ول.
يليا پسالتيروۆ ءۇش تىلدە شىرقالاتىن «Happy Birthday, Astana» ءانىن جازعان، بۇل ءان قايىرىمدىلىق كەشىندە العاش رەت حالىق نازارىنا ۇسىنىلماق.
«ماكەدونيادا كوپتەگەن تانىمال انشىلەرگە ءان جازىپ بەرگەنمىن. استاناعا دا وزىمنەن كەيىن ەرەكشە ەستەلىك قالدىرعىم كەلدى. مەنىڭ مانداتىم قازان ايىنىڭ سوڭىندا اياقتالادى، بۇل - استانامەن قوشتاسۋ ءانى» ، - دەپ اتاپ ءوتتى ول.
يليا پسالتيروۆ ءاندى ەكى- اق كۇندە شىعارعانىن ايتتى.
«استاناعا دەگەن ماحاببات پەن العىس سەزىمى جۇرەگىمدى كەرنەدى. جاقىن ارادا مۇنداي قالامەن، ونىڭ تاماشا تۇرعىندارىمەن قوشتاساتىنىم ەسكە ءتۇستى. سودان بولار، ءاندى ەكى- اق كۇندە جازدىم. وندا استانانى 20 جاستاعى ارۋ وبرازىندا كورسەتتىم. قازاقستاندىقتارعا بۇل ءان ۇنايدى دەگەن ۇمىتتەمىن» ، - دەيدى ديپلومات.
ايتا كەتەيىك، 9 - ماۋسىم كۇنى ساعات 19.00-دە قازمەديا حوللدىڭ كينوكونسەرت زالىندا «Happy Birthday, Astana» قايىرىمدىلىق كونسەرتى وتەدى.
