مىسىر اراب رەسپۋبليكاسى قازاقستاندىقتارعا ءبىلىم گرانتتارىن ۇسىندى
مىسىردىڭ جوعارى ءبىلىم مينيسترلىگى ۇسىناتىن گرانتتار:
ءدىني ەمەس ماماندىقتار بويىنشا ونەر جانە عىلىم فاكۋلتەتتەرىندە باكالاۆريات باعدارلاماسى بويىنشا وقۋعا ارنالعان - 2 گرانت، اراب ءتىلىن ۇيرەنۋگە ارنالعان - 2 گرانت بولىنگەن.
ال ءال ازحار قورىنىڭ ۇسىناتىن گرانتتار:
ءال ازحار ينستيتۋتتارىندا وقۋعا ارنالعان - 9 گرانت،
ءدىني ماماندىقتاردى وقۋعا ارنالعان - 5 گرانت،
ءدىني ەمەس ماماندىقتاردى وقۋعا ارنالعان - 10 گرانت،
اراب ءتىلىن ۇيرەنۋگە ارنالعان - 1 گرانت.
ءوتىنىش بەرۋ 1 شىلدەگە شەيىن جالعاسادى. قۇجاتتاردى استانا قالاسىنداعى مىسىر اراب رەسپۋبليكاسىنىڭ ەلشىلىگى قابىلدايدى.
ۇمىتكەرلەردەن ءتولقۇجات كوشىرمەسى، ورتا مەكتەپتى بىتىرگەنى تۋرالى (ق ر سىرتقى ىستەر مينيسترلىگى راستاعان) اتتەستاتى، مەديتسينالىق انىقتاما، تۋۋ تۋرالى كۋالىگى تالاپ ەتىلەدى. بارلىق قۇجاتتار اراب تىلىنە اۋدارىلعان بولۋى ءتيىس. سونداي-اق، ۇمىتكەر اراب ءتىلىن جەتىك بىلمەگەن جاعدايدا ونى جازباشا راستاۋى كەرەك، بۇدان باسقا ول ءبىلىم الاتىن 3 وقۋ سالانى (اسىرەسە مەديتسينا، فارماتسيەۆتيكا جانە ينجەنەريا سالالارى) اتاپ كورسەتۋى ءتيىس.
وقۋ ءتىلى - اراب ءتىلى. اعىلشىن نەمەسە فرانسۋز تىلدەرىندە وقۋدى تاڭداعان ۇمىتكەردەن قوسىمشا اقى تالاپ ەتىلەدى.
مىسىر تاراپى ۇمىتكەرلەردىڭ جول اقىسى مەن مەن مەكەن-جاي شىعىندارىن وتەيدى. قابىلدانعان ۇمىتكەرلەر 2018 -جىلدىڭ 30 -تامىزىندا مىسىرعا اتتانادى.
تولىققاندى اقپارات الۋ ءۇشىن مىسىر ەلشىلىگىنە حابارلاسقان ءجون.
