شاڭحاي ىنتىماقتاستىق ۇيىمى سامميتىنىڭ باسپا ءسوز ورتالىعى چيڭداۋدا اشىلادى

استانا. قازاقپارات - شاڭحاي ىنتىماقتاستىق ۇيىمىنىڭ (ش ى ۇ) باسپا ءسوز ورتالىعى چيڭداۋدا 6 -ماۋسىمدا رەسمي تۇردە اشىلادى.

بۇل تۋرالى باسپا ءسوز ورتالىعى ديرەكتورىنىڭ ورىنباسارى حوۋ سياودۋن ءمالىم ەتتى، دەپ حابارلايدى شينحۋا.

باسپاسوز ورتالىعىنىڭ الاڭى 35 مىڭ شارشى مەتردى الىپ جاتىر. ول تىركەلگەن 3 مىڭ ب ا ق وكىلدەرىنە ساپالى قىزمەت ۇسىنادى.

باسپا ءسوز ورتالىعى 6 -ماۋسىمنان 11 -ماۋسىمعا دەيىن جۇمىس ىستەيدى. جۇمىس كەستەسى تومەندەگىدەي بولماق: 6-7 -ماۋسىمدا- 08:00 - 20:00, 8 -ماۋسىمدا- 08:00 - 22:00، 9- 10 -ماۋسىمدا - 05:00 - 24:00, 11 -ماۋسىمدا - 08:00 - 18:00.

ايتا كەتەر بولساق، ش ى ۇ- عا مۇشە مەملەكەتتەر باسشىلارىنىڭ 18 -وتىرىسى 9-10 -ماۋسىمدا قىتايدىڭ شىعىسىندا شاندۋڭ پروۆينسياسىنداعى چيڭداۋ قالاسىندا وتەدى.