رەسەي سىرتقى ىستەر ءمينيسترى سولتۇستىك كورەياعا ساپارلاپ باردى
لاۆروۆ پحەنيانعا وسىمەن ءۇشىنشى رەت ساپارلاپ وتىر، بۇرىن ول سولتۇستىك كورەياعا 2004 جانە 2009 -جىلدارى بارعان.
سەرگەي لاۆروۆ لي ەن حومەن كەزدەسۋدەن كەيىن، پحەنياننان سانكسيالاردى كەزەڭ- كەزەڭىمەن الىپ تاستاسا عانا، كورەي تۇبەگىندەگى يادرولىق داعدارىس شەشىلۋى مۇمكىن ەكەنىن مالىمدەدى. ونىڭ ايتۋىنشا، كورەي تۇبەگىن يادرولىق قارۋسىزداندىرۋ ماسەلەسى «ءبىر كەزدەسۋمەن» شەشىلمەيدى. «پروتسەستى سوڭىنا دەيىن جەتكىزۋ ءۇشىن ءوزارا كەلىسىم مەن شىدامدىلىق قاجەت»، - دەدى لاۆروۆ.
ونىڭ ايتۋىنشا، ماسكەۋدىڭ ا ق ش پەن سولتۇستىك كورەيا اراسىنداعى كەلىسسوز پروتسەسىنە ارالاسۋعا قۇقى جوق، ەكى ەل اراسىندا كەلىسىمنىڭ جۇزەگە اسۋى ءۇشىن، ۆاشينگتون تاراپىنان قانداي كەپىلدىك قاجەتىن پحەنيان ءوزى شەشۋى كەرەك.
15 - مامىردا پحەنيان رەسمي مالىمدەمە جاريالاپ، 12 - ماۋسىمعا جوسپارلانعان ا ق ش - سولتۇستىك كورەيا سامميتىنەن باس تارتۋى مۇمكىن ەكەنىن حابارلاعان ەدى. كەلەسى كۇنى ترامپ ەكى ەل اراسىنداعى ديالوگتى جالعاستىرۋعا دايىن ەكەنىن، 12 - ماۋسىمعا جوسپارلانعان سامميتكە بارۋى مۇمكىن ەكەنىن حابارلاعان.
مەملەكەت باسشىلارىنىڭ كەزدەسۋىنە دايىندىق ءۇشىن 29 - مامىردا سينگاپۋرعا سولتۇستىك كورەيا مەن امەريكا قۇراما شتاتتارىنىڭ دەلەگاتسيالارى بارعان.
www.azattyq.org
