كارىس عالىمدارى اقمولا وبلىسىنداعى كونە ەسكەرتكىشتەردى زەرتتەمەك

كوكشەتاۋ. قازاقپارات - اقمولا وبلىسىنا كورەيانىڭ «وركەنيەت الماسۋ» ۋنيۆەرسيتەتىنىڭ پروفەسسورلارى كەلدى.

بۇل تۋرالى قازاقپارات تىلشىسىنە اقمولا وبلىسىنىڭ تاريحي-ولكەتانۋ مۇراجايىنىڭ ديرەكتورى قۋانىش شاقشاقوۆ ايتتى، دەپ حابارلايدى قازاقپارات ءتىلشىسى.

مۇراجاي ديرەكتورىنىڭ ايتۋىنشا، شەتەلدىك عالىمداردى ەرتە تەمىر ءداۋىرى كەزەڭىندەگى ەۋرازيا اۋماعىنداعى تايپالاردىڭ قونىستانۋى قىزىقتىرىپ وتىر.

«قوناقتار اقمولا وبلىستىق تاريحي-ولكەتانۋ مۇرجايىنداعى تاريحي جادىگەرلەرمەن تانىستى. بۇدان كەيىن وبلىس اۋماعىنداعى عۇن-سارمات داۋىرىندەگى تاريحي ەسكەرتكىشتەر ورنالاسقان جەرلەردى بارىپ كوردى. وسى رەتتە، كورەيلىك عالىمدارمەن بىرلەسىپ، ەرتە تەمىر ءداۋىرى كەزەڭىندەگى ەسكەرتكىشتەردى زەرتتەۋ تۋرالى مەموراندۋم جاسايتىن بولامىز»، - دەدى قۋانىش شاقشاقوۆ.

ايتا كەتەيىك، كەلەر جىلدان باستاپ ق ر ۇلتتىق مۇراجايى جانىنداعى «حالىق قازىناسى عىلىمي زەرتتەۋ ينستيتۋتى» ماماندارىمەن بىرلەسكەن زەرتتەۋ جۇمىستارى جۇرگىزىلەدى. وعان اقمولا وبلىسىنىڭ بۇلاندى، زەرەندى جانە ءبىرجان سال اۋدانىنداعى ەرتە تەمىر ءداۋىرى كەزەڭىندەگى ەسكەرتكىشتەر قامتىلاتىنى جوسپارلانعان. بۇل جەرلەردەگى قورىمداردىڭ بيىكتىگى 2-3 25-30 مەتردى قۇراسا، ءبىر ەسكەرتكىشتى زەرتتەۋگە ەكى-ءۇشى جىل ۋاقىت كەتەدى ەكەن.

 

فوتو: liter.kz