ءدىن تاقىرىبىندا مۇعالىمدەرگە ارنالعان سەمينار وتەدى

استانا. قازاقپارات - بۇگىن استانا قالاسى اكىمدىگىنىڭ ءدىن پروبلەمالارىن زەرتتەۋ ورتالىعى جانە ق ر ءدىن ىستەرى جانە ازاماتتىق قوعام مينيسترلىگى مەن ءدىن ىستەرى كوميتەتى ءدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعى قالا مەكتەپتەرىنىڭ «زايىرلىلىق جانە ءدىنتانۋ نەگىزدەرى» ءپانى مۇعالىمدەرىنە ارنالعان «زايىرلىلىق جانە ءدىنتانۋ نەگىزدەرى» فاكۋلتاتيۆتىك كۋرسىن جۇرگىزۋدىڭ وزەكتى ماسەلەلەرى» اتتى سەمينار وتكىزۋدى جوسپارلاۋدا، دەپ حابارلايدى استانا قالاسى اكىمدىگىنىڭ رەسمي سايتى.

سەمينار بارىسىندا ءدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ ديرەكتورى اينۇر ءابدىراسىل قىزى جانە ءدىن سالاسىنداعى وزگە دە بەدەلدى تۇلعالار ءدارىس وقىپ، ءدىن سالاسىندا قابىلدانعان جاڭا زاڭ جوباسىن تۇسىندىرۋمەن قوسا، «زايىرلىلىق جانە ءدىنتانۋ نەگىزدەرى» فاكۋلتاتيۆتىك كۋرسىن جۇرگىزۋدە قانداي ماسەلەلەرگە باسىمدىلىق جاساۋ قاجەتتىگى، سونداي-اق ءپان مۇعالىمدەرىنە ارنالعان ادىستەمەلىك قۇرالدىڭ جوباسىنا ۇستازدار تاراپىنان ۇسىنىس- پىكىرلەر الۋ.

اتالمىش ءىس-شارانىڭ وتكىزىلۋى - ۇستازداردىڭ ءدىني قاتىناستار سالاسىندا تاجىريبەلەرىنىڭ قالىپتاسۋىنا، ءبىلىم وردالارىندا ءدىنتانۋ باعىتىندا جۇيەلى ءارى ساپالى ءبىلىمنىڭ بەرىلۋىنە سەپتىگىن تيگىزەرى ءسوزسىز.