قىتايدىڭ قازاقستانداعى بۇرىنعى ەلشىسى قىتاي سىرتقى ىستەر ءمينيسترىنىڭ كومەكشىسى بولىپ تاعايىندالدى
30 -مامىردا قازاقستاننىڭ قىتايداعى ەلشىسى شاحرات نۇرىشەۆ جاڭ حانحۋەيمەن كەزدەستى. تاراپتار ەكى ەل اراسىنداعى ساياسي، ەكونوميكالىق جانە مادەني- گۋمانيتارلىق سالالارداعى ىنتىماقتاستىقتىڭ بۇگىنگى احۋالى مەن پەرسپەكتيۆالارىن، سونداي-اق جوعارى دەڭگەيلى كەزدەسۋلەردە قول جەتكىزىلگەن كەلىسىمدەردىڭ ورىندالۋىن تالقىلادى.
جاڭ حانحۋەي مەملەكەتتەر باسشىلارىنىڭ دوستىق قارىم-قاتىناستارى ارقاسىندا قازاقستان مەن قىتاي اراسىنداعى ءوزارا ءتيىمدى ىنتىماقتاستىق پەن ارىپتەستىك قارقىنمەن دامىپ كەلە جاتقانىن ايتتى.
تاراپتار «نۇرلى جول» جاڭا ەكونوميكالىق ساياساتى جانە قىتاي تاراپىنىڭ «جىبەك جولى ەكونوميكالىق بەلدەۋى» باستاماسىنىڭ ىسكە اسىرىلۋىنا قاتىستى پىكىر الماستى.
كەزدەسۋ سوڭىندا ش. نۇرىشەۆ قىتايدىڭ ءىرى قالالارىنىڭ باسشىلارىن ۇستىمىزدەگى جىلى ماۋسىم ايىنىڭ باسىندا استانادا وتەتىن جىبەك جولى ەلدەرى قالالارىنىڭ باسشىلارىنىڭ «Global Silk Road» اتتى فورۋمىنا شاقىردى.
