كورەرمەنگە «تاعى دا ءسۇي» اتتى جاڭا تەلەحيكايا جول تارتپاق

 استانا. قازاقپارات - بەينە ماحاببات، سەزىم سەرگەلدەڭى، سىرعا تولى وتكەن ءومىر. جۋىردا «حابار» تەلەارناسىنان كورسەتىلەتىن «تاعى دا ءسۇي» تەلەحيكاياسىنىڭ وقيعا جەلىسى وسىلاي ءوربيدى.

تەلەحيكايا سۇيگەن قىزى اسىلدان قاپىدا كوز جازىپ قالعان اياننىڭ تاعدىرىمەن باستالادى. ۋاقىت وتە كەلە، جان جاراسىنان ارىلعان ول مەرەيمەن باس قوسادى. ءبىراق وعان دەگەن تاعدىردىڭ سىيى تاۋسىلماپتى. ايان اسىلدى قايتا جولىقتىرادى.

 ءبىر قىزىعى، باستى رولدە وينايتىن شالقار قۇدايبەرگەن -  فيزيكا ماماندىعى بويىنشا ءبىلىم الىپ جۇرگەن ستۋدەنت. «كينوداعى تاجىريبەم ومىرلىك كوزقاراستارىمنىڭ قالىپتاسۋىنا اسەر ەتتى»، -  دەيدى ول.

 شالقار قۇدايبەرگەن، ستۋدەنت:

 -  ءوزىمنىڭ ويىمدى تولىق جەتىلدىرە باستادىم. ادامعا دەگەن سىيلاستىعىم ارتا باستادى. ادامگەرشىلىگىم ارتا باستادى. ۇلكەنگە دەگەن قۇرمەتىم ارتا باستادى. كىشىگە دەگەن كىشىپەيىلدىگىم ارتا باستادى دەگەندەي. ەڭ باستىسى مەن كىشكەنە قىسىلاتىنمىن ادامداردىڭ اراسىندا. ءبىراق وسى رولدەن كەيىن وزگەردىم.

 فيلمنىڭ رەجيسسەرى -  كورەرمەنگە «قاريا» تەلەحيكاياسىمەن جاقسى تانىس اسحات مۇساباي. «ماحاببات تاقىرىبىن كورەرمەنگە جاۋىر بولعان ۋايىم- قايعى ارقىلى ەمەس، كومەديالىق جانرمەن كورسەتكىم كەلدى»، -  دەيدى ول. ال ءارتۇرلى لوكاتسيادا تۇسىرىلگەن كادرلار كورەرمەنگە كەرەمەت اسەر سىيلايدى دەگەن سەنىمدە.

 اسحات مۇساباي، رەجيسسەر:

-  جاستاردىڭ ماحابباتى بولعاندىقتان قىزعالداقتار الاڭىندا اۋە شارلارىن ۇشىرۋ، جاز بولىپ تۇرسا دا، تاۋدىڭ باسىنا شىعۋ دەگەن سەكىلدى، كانات جولدارىمەن ءجۇرۋ، وزەن- كول، قايىق، جاستاردىڭ رومانتيكانىڭ اتموسفەراسىن بارىنشا بەرۋگە تىرىستىق. ارنايى گرافيستەر شاقىرتىپ، گرافيكا قولدانىپ جاتىرمىز. كورەرمەننىڭ كوڭىلىنەن شىعادى دەگەن ويىمىز بار.

 12 بولىمنەن تۇراتىن ماحاببات حيكاياسىن كورەرمەندەر «حابار» تەلەارناسىنان كۇزگى ماۋسىمدا تاماشالاي الادى.

www.24.kz