بەلگيادا ايەل پوليتسەيلەردى اتىپ ولتىرگەن كۇدىكتىگە قاتىستى جاڭا دەرەكتەر شىقتى
1982 -جىلى تۋعان بەنجامين ەرمان لەجدىڭ ورتالىق داڭعىلدارىنىڭ بىرىندە پوليتسەيلەرگە وق اتىپ، سونىڭ سالدارىنان ەكى ءتارتىپ ساقشىسى وقيعا ورنىندا قازا تاپقان. ول الدىمەن پوليتسەيلەرگە پىشاقپەن شابۋىل جاساپ، قارۋىن تارتىپ العان، ارتىنشا سول قارۋمەن وزدەرىن اتىپ سالعان.
پوليتسەيلەردى ولتىرگەن سوڭ قاسكوي اۆتوتۇراقتا تۇرعان اۆتوموبيلدەگى 22 جاستاعى جىگىتتى اتىپ ولتىرگەن. سودان كەيىن شابۋىلشى جاقىن جەردە ورنالاسقان مەكتەپكە بارىپ، ايەل ادامدى كەپىل رەتىندە تۇتقىنداعان. جەدەل شارالار ناتيجەسىندە قاسكوي اتىپ ءولتىرىلدى.
«ءىس سوتقا «تەرروريزم» بابىمەن تىركەلدى»، - دەپ مالىمدەدى لەج پروكۋراتۋراسى.
RTBF تاراتقان حابارعا قاراعاندا، قاسكوي بۇعان دەيىن ەسىرتكىمەن بايلانىستى قىلمىس جاساپ تۇرمەگە جابىلعان، ءبىراق ۋاقىتشا بوستاندىققا شىعارىلعان. ول دۇيسەنبى كۇنى كەشكىسىن تۇرمەگە قايتا ورالۋى ءتيىس بولاتىن.
حابارلارعا قاراعاندا، ەرمان سول ارالىقتا ليۋكسەمبۋرگ پروۆينسياسىندا دا كىشىگىرىم قىلمىس جاساپ ۇلگەرگەن.
بەنجامين ەرمان تۇرمەدە جۇرگەن كەزىندە راديكالدى ەكسترەميستەردىڭ ىقپالىنا تۇسكەن بولۋى مۇمكىن دەگەن بولجامدار بار.
فوتو: RTBF
