الماتىلىق تۇلەكتەر قىمبات كولىكپەن قىدىرۋدىڭ ورنىنا ناۋقاس بالالارعا سىيلىق الدى

بۇل تۋرالى قازاقپارات قازاقستان پاللياتيۆتىك كومەك قاۋىمداستىعىنىڭ پرەزيدەنتى گۇلنارا كۋنيروۆانىڭ فەيسبۋكتەگى پاراقشاسىنا سىلتەمە جاساپ حابارلايدى.
«بۇل كۇن الماتىداعى №54 -مەكتەپتىڭ تۇلەكتەرىنىڭ ەسىندە ماڭگى ساقتالادى. بۇگىن ولار كوپشىلىككە وي سالار ارەكەت جاسادى. بارلىق تۇلەكتەر ءۇشىن ءداستۇرلى سانالاتىن ليمۋزينمەن سەرۋەننىڭ ورنىنا، ولار مەكتەپ ديرەكتورى مەن اتا-انالارىمەن اقىلداسىپ، ول اقشانى ونكولوگيا جانە راديولوگيا قازاق عىلىمي-زەرتتەۋ ينستيتۋتى بالالار ورتالىعىنداعى پالاتالاردىڭ بىرىنە تەلەديدار ساتىپ اپەرۋگە جۇمساۋ تۋرالى شەشىم قابىلدادى. بالالاردىڭ كوبىنە قايىرىمدىلىق تاجىريبەسى ومىرلەرىندە ءبىرىنشى رەت بولدى. بۇل ولاردىڭ جاڭا جاۋاپتى ومىرلەرگە قادام باسار ماڭىزدى ساتىندەگى يگى ءىس بولسىن»، - دەپ جازدى گۇلنارا كۋنيروۆا.
قازاقستان پاللياتيۆتىك كومەك قاۋىمداستىعىنىڭ پرەزيدەنتى №54 -مەكتەپتىڭ تۇلەكتەرىنە قولداۋ بىلدىرگەن وقۋ ورنىنىڭ ديرەكتورى مەن اتا-انالارعا العىس ايتتى.
«بالالار ورتالىعىندا تەلەۆيزورى جوق 11 پالاتا بار. وسى باستامانى 1 -ماۋسىم قارساڭىندا باسقا مەكتەپتىڭ تۇلەكتەرى جالعاستىرسا نۇر ۇستىنە نۇر بولار ەدى»، - دەپ اتاپ ءوتتى گۇلنارا كۋنيروۆا.