مەملەكەتتىك قىزمەتكەرلەر سينگاپۋردىڭ ەكونوميكانى ءارتاراپتاندىرۋ تاجىريبەسىن زەردەلەۋدە

استانا. قازاقپارات - بۇگىن استاناداعى نازاربايەۆ ۋنيۆەرسيتەتىندە استانا مەملەكەتتىك قىزمەت حابىنىڭ قولداۋىمەن مەملەكەتتىك قىزمەتكەرلەر ءۇشىن وزگەرىستەردى باسقارۋ، ەكونوميكانى ءارتاراپتاندىرۋ جانە ينۆەستيتسيالاردى ىنتالاندىرۋ بويىنشا ەكى كۇندىك سەمينار باستالدى.
None
None

 سەميناردى سينگاپۋرداعى لي كۋان يۋ اتىنداعى مەملەكەتتىك ساياسات مەكتەبىنىڭ پروفەسسورى ليم سيونگ گۋان مىرزا وتكىزۋدە. ول بۇرىن سينگاپۋردىڭ مەملەكەتتىك قىزمەت اگەنتتىگىنىڭ باسشىسى، ەكونوميكالىق دامۋ جونىندەگى كەڭەستىڭ ءتوراعاسى، سينگاپۋردىڭ GIC دەربەس ءال- اۋقات قورى توبىنىڭ پرەزيدەنتى قىزمەتىن اتقارعان، دەپ حابارلايدى قازاقپارات.

مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ ءتوراعاسى ءاليحان بايمەنوۆ سەميناردى اشۋ بارىسىندا وزىق ەلدەردىڭ تاجىريبەسىمەن تانىسۋدىڭ ماڭىزىن اتاپ ءوتتى.

null

 «كەز كەلگەن ۇكىمەت باسقا مەملەكەتتەر تاجىريبەلەرى مەن شەشىمدەرىنەن ءوز ەلىنە بارىنشا قاجەتتىسىن تابۋ ءۇشىن ولاردى زەردەلەۋى كەرەك. سينگاپۋر - مەملەكەتتىك باسقارۋ رەفورمالارى سالاسىندا كوشباسشىلاردىڭ ءبىرى ءارى ولاردى ءتيىمدى ىسكە اسىرۋدا تابىستى ۇلگى كورسەتتى. سوندىقتان وسى ەلدىڭ تاجىريبەسى قازاقستان ءۇشىن ۇلكەن قىزىعۋشىلىق تۋدىرۋدا»، - دەدى ءتوراعا.

شارانىڭ العاشقى كۇنى پرەزيدەنت اكىمشىلىگىنىڭ باسقارۋشى بۋىن قىزمەتكەرلەرى، مينيسترلىكتەردىڭ جاۋاپتى حاتشىلارى جانە ورتالىق مەملەكەتتىك ورگانداردىڭ اپپارات جەتەكشىلەرى مەملەكەتتىك قىزمەتتەگى وزگەرىستەردى باسقارۋ بويىنشا ءدارىس الدى. اتاپ ايتقاندا، ولار سينگاپۋردىڭ مەملەكەتتىك سەكتوردى رەفورمالاۋ تاجىريبەسىمەن تانىسىپ، ونى قازاقستان كونتەكستىندە تالقىلادى. ولار سونداي- اق، مەملەكەتتىك قىزمەتكەرلەردىڭ ساياسي كاسىپكەرلەر مەن نوۆاتورلار رەتىندەگى ءرولىن قاراستىردى. ليم مىرزا مەملەكەتتىڭ دامۋ بارىسىنا قاراي ۇكىمەتتىڭ ءرولى باقىلاۋشى مەن رەتتەۋشىدەن دانەكەرشىگە، سودان كەيىن ۇيىمداستىرۋشى مەن ىنتالاندىرۋشىعا دەيىن جەتىلۋى ءتيىس ەكەنىن ايتتى.

null

 ەكىنشى كۇنى ق ر پرەزيدەنتى اكىمشىلىگى مەن پرەمەر- ءمينيسترى كەڭسەسى، ۇلتتىق ەكونوميكا مينيسترلىگىنىڭ، ينۆەستيتسيالار جانە دامۋ مينيسترلىگىنىڭ قىزمەتكەرلەرى ءۇشىن «ەكونوميكالىق ءارتاراپتاندىرۋ جانە ينۆەستيتسيالاردى ىنتالاندىرۋ: سينگاپۋر تاجىريبەسى» تاقىرىبىندا سەمينار جوسپارلانعان. قاتىسۋشىلار ەكونوميكانى ءارتاراپتاندىرۋ جانە وندىرىستىك دامۋ جولدارىمەن، مەملەكەتتىڭ ۇزاق مەرزىمدى دامۋىن قولداۋدا فيسكالدىق جانە قارجىلىق باسقارۋدىڭ رولىمەن تانىسادى، وعان قوسا سينگاپۋرلىق تاجىريبەنى قازاقستان ەكونوميكاسىنا ءىس جۇزىندە قولدانۋ ماسەلەلەرىن تالقىلايدى.

اۆتور: قانات مامەتقازى ۇلى

سوڭعى جاڭالىقتار