عالىمدار العاش رەت ەكى جاندىكتىڭ جادىسىن ءبىر- بىرىنە اۋىستىردى

  استانا. قازاقپارات - لوس- اندجەلەستەگى كاليفورنيا ۋنيۆەرسيتەتىنىڭ نەيروبيولوگتارى تەڭىز ۇلۋىنىڭ جادىسىن ەكىنشى ۇلۋعا اۋىستىرۋ بويىنشا تاجىريبە جۇرگىزدى. ولار تاجىريبە ءساتتى ءوتۋ ءۇشىن، Aplysia ۇلۋلارىنا ءالسىز ەلەكتر توگىن جىبەرگەن.
None
None

بۇل تۋرالى EurekAlert! باسىلىمىنا سىلتەمە جاساپ Stan.kz حابارلايدى.

اراسى 24 ساعاتتان تۇراتىن ەكى سەسسيا بارىسىندا بيولوگتار 20-25 مينۋت سايىن ۇلۋلاردىڭ اياعىنا ەلەكترودتاردى تيگىزگەن.

بىرنەشە ەلەكتر يمپۋلستەرى جىبەرىلگەننەن كەيىن، جاندىكتەر جاۋاپ قايتارا باستاعان. ولاردا قورعانىس رەفلەكسى پايدا بولىپ، ەلەكتر توگى جىبەرىلگەن سايىن بۇلشىق ەتتەرى جيىرىلعان.

زەرتتەۋدەن كەيىن عالىمدار باقىلاۋ توبىنداعى تاجىريبە جۇرگىزىلمەگەن ۇلۋلارعا ايرىقشا ريبونۋكلەيندى قىشقىل تۇرىندەگى ينەكتسيا سالعان.

ال ەلەكتر توگى جىبەرىلگەن ۇلۋلاردىڭ جۇيكە جۇيەسىنە جينالعان ريبونۋكلەيندى قىشقىل باقىلاۋ توبىنداعى تەڭىز ۇلۋلارىنىڭ اعزاسىندا 40 سەكۋندتىق شارتتى رەفلەكستىڭ دامۋىنا اسەر ەتكەن.

عالىمداردىڭ پىكىرىنشە، باسقا اعزادا رەفلەكستىڭ پايدا بولۋىنا سەنسورلىق نەيروندار جاۋاپ بەرەدى. ولار ريبونۋكلەيندى قىشقىلدىڭ بەلگىلى تۇرلەرى ەنگىزىلگەندە جىلدام قوزادى.

عالىمدار مۇنداي تەراپيانى ادامدارعا تاجىريبە تۇرىندە جاساپ كورۋگە بولاتىنىن ايتۋدا. ريبونۋكلەيندى قىشقىل ەنگىزۋ ارقىلى ميىنا مەحانيكالىق زاقىم كەلگەن نەمەسە التسگەيمەر دەرتىنە شالدىققان ناۋقاستاردىڭ جادىسىن ازداپ قايتارۋعا بولادى.

سوڭعى جاڭالىقتار