رەسەيلىك عارىشكەر استانانىڭ عارىشتان تۇسىرىلگەن سۋرەتىن جاريالادى

استانا. قازاقپارات - بەلگىلى رەسەيلىك عارىشكەر انتون شكاپلەروۆ استانانىڭ عارىشتان تۇسىرىلگەن سۋرەتىن جاريالادى.

ايتۋىنشا، ەلوردامىزدى عارىشتان سۋرەتكە ءتۇسىرۋ ۇسىنىسى قازاقستاندىق وقىرمانداردىڭ تاراپىنان تۇسكەن، دەپ حابارلايدى قازاقستاننىڭ رەسەيدەگى ەلشىلىگىنىڭ باسپا ءسوز قىزمەتى.

«قازاقستاندىق وقىرماندار ەل استاناسىن عارىشتان سۋرەتكە ءتۇسىرىپ بەرۋدى ءجيى وتىنەدى. مىنەكي، قازاقستاننىڭ ءىنجۋ-مارجانى - كەرەمەتتەي استانا! قالا ەسىل وزەنىنىڭ جاعالاۋىندا ورنالاسقان. سۋرەتتەن ەسىلدى دە، قالا اينالاسىندا ورنالاسقان كوپتەگەن كولدەردى دە انىق كورۋگە بولادى. سۋرەت بىرنەشە اپتا بۇرىن تۇسىرىلگەن، مىنا سۋرەتتەگى قالا مۇز قۇرساۋىنان ەندى عانا شىعىپ جاتىر. ال قازىر استانادا كوكتەم جارقىراپ تۇرعان شىعار؟!» - دەيدى عارىشكەر.

قازاقستاندىقتار رەسەيلىك عارىشكەرگە العىستارىن جەتكىزدى.