10:54, 12 - مامىر 2018 | GMT +5
قازاقستاندىق نوكاۋتەر پاكياونىڭ سەرىكتەسىمەن سپاررينگ وتكىزدى
استانا. قازاقپارات - قازاقستاندىق نوكاۋتەر سادريددين احمەدوۆ (1-0، 1 ك و) كانادالىق گيسلەين مادۋمامەن (18-3، 11 ك و) بىرگە جاتتىقتى، دەپ حابارلايدى قازاقپارات Sports.kz سىلتەمە جاساپ.

«بۇگىن باۋىرلاس مۇسىلمانمەن جاقسى سپاررينگ وتكىزدىم. ول 2010-2013-جىلدار ارالىعىندا مەنني پاكياونىڭ باستى سپاررينگ-سەرىكتەسى بولعان. وتە تاجىريبەلى. ونىڭ اتى گيسلەين مادۋما»، - دەپ جازدى احمەدوۆ ينستاگرامدا.
ەسكە سالا كەتسەك، سادريددين العاشقى كاسىپقوي رينگكە 7- ساۋىردە كۆەبەكتە (كانادا) شىققان بولاتىن. ول ءبىرىنشى راۋندتىڭ 31-سەكۋندىندا قارسىلاسى مەكسيكالىق توني باررەراستى (1-2، 1 ك و) نوكاۋتقا جىبەردى. قازاقستاندىق كەلەسى جەكپە-جەگىن 16- ماۋسىمدا كۆەبەكتە وتكىزەدى. ازىرگە قارسىلاسى بەلگىسىز.