اقتوبەدە اكەلەر بايقاۋىندا جينالعان قارجى جەتىم قىزدىڭ ەسەپشوتىنا سالىندى

اقتوبە. قازاقپارات - اقتوبەدە «مەنىڭ اكەم» الەۋمەتتىك جوباسى قورىتىندىلاندى.
None
None

بيلەتتەن تۇسكەن قارجى العا بالالار ۇيىندە تاربيەلەنىپ، كەيىن مەديتسينالىق كوللەدجگە وقۋعا تۇسكەن يرينا بالاشوۆانىڭ باسپانا الۋعا قاجەتتى ەسەپشوتىنا اۋدارىلدى، دەپ حابارلايدى قازاقپارات ءتىلشىسى.

اقتوبە وبلىسىندا بۇگىن «مەنىڭ اكەم» الەۋمەتتىك جوباسى قورىتىندىلاندى. بۇعان دەيىن حابارلاعانىمىزداي، بايقاۋعا بارلىعى 116 وتباسى قاتىستى.

null 

«وتان وتباسىنان باستالادى. وتباسىنىڭ قانداي بولاتىنى وتاعاسىنا بايلانىستى. سوندىقتان اكەنىڭ ابىرويىن ارتتىرىپ، مەرەيىن وسىرەتىن شارا قوعامعا قاجەت. اكە - اسقار تاۋ. بۇل ءسوزدىڭ تۇبىندە ۇلكەن ماعىنا بار. وكىنىشكە قاراي، سوڭعى جىلدارى وتباسى قۇندىلىعى قوعامدا السىرەپ بارادى. قوعامدىق ۇيىمدار، بەلسەندى ازاماتتار وسى جايدى ءدوپ باسىپ، شارا ۇيىمداستىردى. جىل سايىن ۇيىمداستىرسا، اكىمدىك قولداۋ بىلدىرەدى»، - دەدى اقتوبە وبلىسى اكىمىنىڭ ورىنباسارى ەربول نۇرعاليەۆ.

 null

«مەنىڭ اكەم» بايقاۋىندا مۇگەدەك بالالاردى تاربيەلەپ، جالعىز ءوزى بالاسىن باعىپ وتىرعان اكەلەر «قامقور اكە» نوميناتسياسى بويىنشا ماراپاتتالدى. بارلىعى 10 قاتىسۋشىعا ارنايى العىس حات پەن اقشالاي سىيلىق بەرىلدى. ال «مەرەيلى اكە» نوميناتسياسى بويىنشا ورىنالى قۋانىشبايەۆ، «باتىر اكە» نوميناتسياسىندا 90 جاستاعى سەيىت سۇتەمگەنوۆ، «باپكەر اكەنى» مۇرات ءشارىپوۆ، «ونەرلى اكەنى» نۇرجان ەسمۋرزين، «مۇعالىم اعاي» نوميناتسياسىن رايىمبەك قۇرمانعازين جەڭىپ الدى. «ءتارتىپ ساقشىسى» نوميناتسياسى ءماجيت قۇرمانعازين يەلەندى. «حانشايىمدار اكەسى» اتالىمىندا بەس قىز تاربيەلەگەن ەلدوس جۇماعۇلوۆ ۇزدىك شىقتى. جەڭىمپازدارعا ديپلوم، قامشى جانە 100 مىڭ تەڭگە سىيلىق بەرىلدى. ال «باتىر اكە» نوميناتسياسىنىڭ جەڭىمپازى 150 مىڭ تەڭگە سىيلىق الدى.

«ءتىل يگەرۋگە قاتىسىپ، ۇزاق جىل بويى مەكتەپتە مۇعالىم، ديرەكتور قىزمەتىن اتقاردىم. ءوزىم ماتەماتيكا پانىنەن ساباق بەردىم. بارلىعى 46 جىل ءبىلىم سالاسىندا ەڭبەك ەتكەنمىن. مەن 11 بالا تاربيەلەپ، وسىرگەن اداممىن»، - دەدى سەيىت سۇتەمگەنوۆ.

 null

ايتا كەتەيىك، اكەلەر بايقاۋى كەزىندە اقتوبەلىك وقۋشىلار دا حات جازعان. ايتەكە بي اۋدانى، قارابۇتاق اۋىلىنان كەلگەن حاتتا تۇمارگۇل نۇرتاس قىزى ءوز اكەسىنىڭ ومىردەن وتكەنىن، ءبىراق ماڭگى جۇرەگىندە ساقتايتىنىن جەتكىزگەن. ال مۇعالجار اۋدانى، بىرلىك اۋىلىنان ايكوركەم اكەسى تۋرالى جازىپ، ەكى بالانى جالعىز ءوزى باعىپ وتىرعانىن ايتقان. ەكى وقۋشى دا ارنايى سىيلىقپەن ماراپاتتالدى. الەۋمەتتىك جوبانىڭ قورىتىندى ەسەبى كەزىندە يدەيا اۆتورى جاڭالىق احاش بيلەتتەن جينالعان قارجىنى العا بالالار ۇيىندە تاربيەلەنىپ، كوللەدجگە وقۋعا تۇسكەن يرينا بالاشوۆاعا تابىس ەتتى.

«اقتوبە مەديتسينالىق كوللەدجىنىڭ فارماتسيا فاكۋلتەتىندە ءبىلىم الىپ ءجۇرمىن. «مەيىرىم» ورتالىعىندا تەگىن تۇرۋعا مۇمكىندىك بەرىلگەن. الايدا ۋاقىتى كەلگەن سوڭ ول جەردەن شىعامىز. قازىر پاتەر الۋعا قارجى جيناپ ءجۇرمىن. «مەنىڭ اكەم» بايقاۋىنا كەلىپ، جاقسى اسەر الدىم. ءبىز ءۇشىن اكە ول بالالار ءۇيىنىڭ ديرەكتورى - كەنجەعازى بايعازين. اكەمىز ءبىزدى ۇنەمى قولداپ، قامقورلىق كورسەتىپ جۇرەدى»، - دەدى يرينا بالاشوۆا.

 

سوڭعى جاڭالىقتار