باقتيار ارتايەۆ گولوۆكيننىڭ بۇگىنگى جەكپە-جەگىنە بولجام جاسادى

استانا. قازاقپارات - گەننادي گولوۆكيننىڭ جەكپە-جەگى الدىندا وليمپيادا چەمپيونى باقتيار ارتايەۆ «Qazsport» تەلەارنالارىندا ءوز ويلارىمەن ءبولىستى، دەپ حابارلايدى قازاقپارات.
None
None

«ساۋل «كانەلو» الۆارەسپەن بولعان اراسىنداعى سوڭعى جەكپە-جەكتى گەننادي گولوۆكيننىڭ تاريحىنداعى ەڭ قىزىقتى كەزدەسۋ دەپ باعالاسا بولادى. تانىمال ءارى ناعىز بابىنداعى بوكسشىمەن ءبىرىنشى رەت كەزدەستى. وسى ءسوزدى ايتىپ جاتقان كەزدە كوپ جانكۇيەرلەر مەنىمەن كەلىسەتىن شىعار. بۇل جەكپە-جەك تەڭ اياقتالدى. دەسەك تە بۇل بوكستىڭ قىزىق جاعى - ول قارجى، بيزنەس. مەنىڭ جەكە پىكىرىمە توقتالسام، ەكىنشى كەزدەسۋدىڭ قىزىق بولۋى ءۇشىن جاسالعان قادام بولۋى مۇمكىن. بۇل جەكپە-جەكتىڭ اينالاسىنداعى بارلىق ماسەلەلەر ەكىنشى جەكپە-جەكتى قىزدىرۋ الدىنداعى كىشىگىرىم شوۋ بولعان شىعار دەگەن ويدامىن. ءبىرىنشى كەزدەسۋدى بارلىعىمىز كوردىك، راسىندا دا تەڭ اياقتالاتىنداي دەڭگەيدە ءوتتى»، - دەپ توقتالدى باقتيار ارتايەۆ.

وليمپيادا چەمپيونىنىڭ پايىمىنشا، گولوۆكيننىڭ الۆارەسپەن بولۋى مۇمكىن ەكىنشى كەزدەسۋى قاۋىپتى بولۋى ىقتيمال. قازىرگى كەزدە «كانەلونىڭ» ءورىسى كەڭەيىپ، تاجىريبەسى مولايىپ كەلە جاتىر.

سونىمەن قاتار ول گەنانىڭ بريتاندىق بوكسشى بيللي دجو سوندەرسپەن جەكپە-جەككە شىققانى تيىمدىرەك ەكەنىن ايتا كەلە، «ويتكەنى سوندەرس تە تانىمال بوكسشى، ەكىنشى جاعىنان ول ۇنەمى گولوۆكينگە شاقىرتۋ بەرىپ جاتىر. سوندىقتان تاڭداۋ سوندەرسكە تۇسەتىن شىعار دەپ ويلايمىن»، - دەدى ول.

ايتا كەتەيىك، بۇگىن گەننادي گولوۆكين (37-0-1، 33 ك و) مەن ۆانەس مارتيروسياننىڭ (36-3-1، 21 ك و) جەكپە-جەگى وتەدى.

«مەنىڭ جەكە پىكىرىمدى ايتا بولسام، گەنا جەكپە-جەك باستالىسىمەن العا قاراي جۇرەدى. ۆانەس مارتيروسيان ەكىنشى ءنومىرلى بوكسشى بولىپ ويناپ قاشقالاقتاپ جۇرەدى. بۇل كەزدەسۋدىڭ ناتيجەسى 5-6 -راۋندتىڭ اراسىندا شەشىلىپ قالاۋى مۇمكىن»، - دەدى باقتيار ارتايەۆ.

بۇعان دەيىن حابارلانعانداي، قازاقستاندىق بىلعارى قولعاپ شەبەرى گەننادي مەن دوپينگ داۋىنا ىلىككەن مەكسيكالىق ساۋل «كانەلو» الۆارەس (49-1-2، 34 ك و) اراسىنداعى بيىلعى مامىرعا بەلگىلەنگەن رەۆانشتىڭ بولمايتىندىعى بەلگىلى بولدى.

 

 

 

سوڭعى جاڭالىقتار