15:40, 05 - مامىر 2018 | GMT +5
عالىمدار اشىعۋ مەن جاسارۋدىڭ بايلانىسىن تاپتى
استانا. قازاقپارات - ماساچۋسەتس تەحنولوگيالىق ينستيتۋتىنىڭ بيولوگتارى اشىعۋ اعزادا جاڭا جاسۋشالاردىڭ پايدا بولۋىنا اسەر ەتكەندە جاسارۋ پروتسەسى ەكى ەسە تەز جۇرەتىنىن دالەلدەدى.

زەرتتەۋدىڭ ناتيجەسى Medical Xpress جۋرنالىندا جاريالاندى.
تاجىريبە تىشقاندارعا جۇرگىزىلگەن. ءبىر تاۋلىك بويى تاماقتاندىرىلماعان كەمىرگىشتەردە زات الماسۋ پروتسەسى وزگەرگەن. ناتيجەسىندە گليۋكوزانىڭ ورنىنا ماي قىشقىلدارى ىدىراعان. سودان كەيىن جاڭا جاسۋشالار پايدا بولىپ، جاسارۋ پروتسەسى جۇرگەن.
باسىلىمنىڭ جازۋىنشا، بۇل جاڭالىق ىشەك- قارىن جولى ينفەكتسياسىنان كەيىن ەمدەلىپ جۇرگەن جانە حيمياتەراپيا العان ەگدە كىسىلەر ءۇشىن ءدارى- دارمەك جاساۋعا ىقپال ەتپەك.
Baq.kz