14:56, 05 - مامىر 2018 | GMT +5
گولوۆكيننىڭ جەكپە-جەگىن «قازاقستان» تەلەارناسىنان كورسەتەدى
استانا. قازاقپارات - 6- مامىر كۇنى وتەتىن گەننادي گولوۆكيننىڭ كەزەكتى جەكپە-جەگىن قازاقستاندىقتار «Qazaqstan» تەلەارناسىنان تاماشالاي الادى.

بۇل تۋرالى «قازاقستان» ت ر ك باسقارماسىنىڭ ءتوراعاسى ەرلان قارين فەيسبۋكتەگى پاراقشاسىندا جازدى، دەپ حابارلايدى قازاقپارات.
«گەنادي گولوۆكيننىڭ جەكپە-جەگىن ترانسلياتسيالاۋ تۋرالى ۋاعدالاستىققا قول جەتكىزىلدى! ءبىزدىڭ جانكۇيەرلەر ەرتەڭ، 6- مامىر كۇنى، «Qazaqstan» جانە «Qazsport» تەلەارنالارىنان گولوۆكيننىڭ جەكپە-جەگىن كورە الادى. جەكپە-جەكتىڭ باستالۋى ساعات 07:00 دە.
ال، جەكپە-جەكتىڭ الدىندا ساعات 06:30 دا ستۋدياعا وليمپيادا چەمپيونى باقتيار ارتايەۆ كەلىپ، كوممەنتاتورلارمەن بىرگە الدىڭعى جەكپە-جەك تۋرالى ويلارىمەن ءبولىسىپ جانە الداعى جەكپە-جەككە بايلانىستى بولجام جاسايتىن بولادى. ال، ترانسلياتسيادان كەيىن، گولوۆكيننىڭ جەكپە-جەگى تۋرالى ساراپتامالىق باعدارلاما شىعاتىن بولادى»، - دەپ جازدى ەرلان قارين.