گولوۆكين نەگە اشۋلانعانىن ايتتى

استانا. قازاقپارات - قازاقستاندىق گەننادي گولوۆكين تاعى دا مەكسيكالىق ساۋل «كانەلو» الۆارەستى قاتتى سىنعا الدى، - دەپ حابارلايدى vringe.com.
None
None

«كەيبىر ب ا ق-تىڭ الۆارەستى اقتاپ الۋعا تىرىساتىنى ىزالاندىرادى. ونى جاقسى بوكسشى، ول جاعداي جاي عانا كەزدەيسوقتىق دەيدى. ەشتەڭە ەتپەيدى دەپ جازىپ، كەيدە ونى ماقتاپ قويادى. ال مەنىڭشە الۆارەس سياقتىلار بوكس ءۇشىن ەڭ ۇلكەن اۋىرتپالىق. ول دوپينگ قابىلدايدى، ال وعان كوز جۇما قاراعىسى كەلەتىندەر بار. بۇل - پروبلەما. بۇكىل بوكس ءۇشىن. الۆارەس تۋرالى ايتا بەرىپ، بەكەر ۋاقىت جوعالتۋدىڭ قاجەتى جوق»، - دەيدى بوكسشى. قازاقستاندىق بوكسشى مۇنداي تەرىس قىلىقتار جاس سپورتشىلار ءۇشىن جامان ۇلگى ەكەنىن ايتادى.

«الۆارەسكە تاعى دا جەڭىلدىك بەرۋىمىزدى قالايتىندار كوپ. ولاردىڭ ايتاتىنى: «نە بوپتى، قاتەلىك جاساعان ەكەن». ءبىراق مۇنداي بولماۋ كەرەك. بۇل وقيعادان كەيىن ول ءار كۇنى دوپينگ تەست تاپسىرۋ كەرەك بولاتىن، باسقالار ءۇشىن ەسكەرتۋ بولاتىنداي. جاس بوكسشىلار الدىڭعى بۋىندى ۇلگى ەتەدى. ال ولار دوپينگ ءۇشىن ەشقانداي ايىپتىڭ، شەتتەتۋدىڭ بولمايتىنىن كورسە، بۇل جاقسى ۇلگى ەمەس. جاقسى ۇلگى بەرىڭىزدەر، مۇنداي ەمەس!»، - دەيدى گولوۆكين.

سونىمەن بىرگە، گولوۆكين دوپينگكە قاتىستى ەشقانداي سۇراقتان قاشپايتىنىن، ويتكەنى جاسىراتىن ەشتەڭەسى جوعىن اتاپ ءوتتى. جەكە مەندە دوپينگ سىناماسىمەن ءبارى دۇرىس. ماعان ايتاتىنى: «بولمەدە بول، ءبىز دوپينگ سىناماسىن الامىز». مەن كۇتەمىن، مەن دوپينگ قابىلدامايمىن. ول تۋرالى سۇراقتاردان قورىقپايمىن. جاسىراتىنىم جوق. مەنىڭشە الۆارەس پەن ونىڭ كومانداسىنا جاقسىلاپ ساباق بولۋى كەرەك، ويتكەنى ولار ءالى دە مويىنداماي كەلەدى. مۇنداي جاعداي بولماۋى كەرەك. ءبارىمىز تازا بوكس ءۇشىن كۇرەسۋىمىز قاجەت»، - دەيدى گولوۆكين.

ەسكە سالايىق، ەكى بىردەي دوپينگ سىناماسى الۆارەستىڭ قانىندا تىيىم سالىنعان كلەنبۋتەرول بارىن كورسەتكەن. وسىدان كەيىن الۆارەس پەن گولوۆكين اراسىنداعى 5 -مامىرعا قارىمتا جەكپە-جەك وتپەيتىن بولدى. بوكسشىلاردىڭ العاشقى كەزدەسۋى 2017 -جىلى وتكەن بولاتىن.

Kaz.tengrinews.kz

سوڭعى جاڭالىقتار