ۇيالى تەلەفوننان انگليادا قاتەرلى مي ىسىگى كوپ تىركەلۋدە

 استانا. قازاقپارات - 1995-2015 -جىلدار ارالىعىندا زەرتتەۋ بويىنشا انگلياداعى باس سۇيەكتەگى مي ىسىگى ەكى ەسە ۇلعايعان.
None
None

 ونىڭ باستى سەبەبىن اق حالاتتىلار ۇيالى تەلەفون قولدانۋمەن بايلانىستىرادى. بۇل تۋرالى CNN باسىلىمى حابارلايدى.

گليوبلاستوما دەڭگەيى سوڭعى ونجىلدىقتا انگلياداعى ءاربىر  100000 ادامعا شاققاندا، 2,4 دەڭگەيىنەن 5,0 كورسەتكىشىنە جەتكەن. بۇل تۋرالى زەرتتەۋشىلەر «قورشاعان ورتا جانە قوعامدىق دەنساۋلىق» جۋرنالىنا جاريالادى.

مي وبىرىنىڭ پايدا بولۋ تەتىكتەرى زەرتتەلگەن. ماقالا اۆتورلارى ونى تىكەلەي ادامنىڭ كۇندەلىكتى ءومىر ءسۇرۋ سالتىمەن بايلانىستىرادى.

«مي وبىرى كوبىنەسە ادامنىڭ قۇلاق نە ماڭداي ايماعىندا تىركەلەدى. سوندىقتان ۇيالى تەلەفوندى كوپ قولدانۋ وبىر تۋىنداتۋى مۇمكىن» دەيدى زەرتتەۋ اۆتورلارىنىڭ ءبىرى الاسدەر فيليپس. «مي وبىرى وتە سيرەك كەزدەسەتىندىكتەن، ارينە، بىردەن شوشىپ، ۇيالى تەلەفوننان باس تارتۋدىڭ قاجەتى جوق. تەك وتە ۇزاق سويلەسۋدەن اۋلاق بولىڭىز» دەيدى فيليپس.

بۇكىل الەم بويىنشا، ۇيالى تەلەفوننان شىعاتىن رادياتسيا مەن ونىڭ قاۋپى تۋرالى فاكتورلار زەرتتەلۋدە. الايدا، بۇل تاقىرىپقا قاتىستى ەشقانداي ناقتى دالەل كەلتىرىلىپ جاتقان جوق.

 ا ق ش ۇلتتىق وبىرمەن كۇرەس ينستيتۋتى بەرگەن مالىمەت بويىنشا، ادامدار ۇيالى تەلەفوننىڭ اتالعان دەرتكە سەبەپ بولۋىنا كۇدىكتەنىپ قاراۋىنا 3 سەبەپ بار. ەڭ اۋەلى، ۇيالى تەلەفوندار راديوجيىلىكپەن ەنەرگيا تاراتادى. يوندالماعان فورماداعى شاعىلىسۋ ءبىزدىڭ دەنەمىزدەگى ءاربىر جاسۋشاعا قاۋىپ توندىرەدى. تەلەفوندى كوپ قولداناتىن جاندار وسى ەنەرگيانى قابىلداپ الادى. ەكىنشىدەن، ءبىز كۇندەلىكتى تەلەفون ارقىلى وتە ۇزاق جانە ءجيى سويلەسەمىز. ول ازداي، تەلەفون ارقىلى اقپارات الماسىپ، ۆيدەو، كينو تاماشالاپ، ءبىر ۋاقىت اجىرامايتىن حالگە جەتتىك.

سوڭعى ون جىلدا انگليادا مي وبىرىنا شالدىققان  81135 جاعداي تىركەلىپتى. جىلىنا ورتا ەسەپپەن 1548 اگرەسسيۆتى ءتيپى انىقتالعان. وسى ون جىلدا ۇيالى تەلەفون قولدانۋشى تۇرعىندار سانى 15 پايىزدان 95 پايىزعا ءوسىپتى.

اعىلشىن تىلىنەن اۋدارعان

 

التىناي قۋانىشبەك

«ايقىن»

سوڭعى جاڭالىقتار