سوعىس كەزىندەگى تاعامدار
سوعىس ارداگەرلەرى مەن سوعىس بالالارىنىڭ اڭگىمەلەۋى بويىنشا ەستەلىك استىڭ، تاريح ءدامىنىڭ قۇرامىن انىقتادىق. ۇلى وتان سوعىسى تۋرالى سوعىسقا قاتىسقانداردىڭ وزىنەن سۇراپ ءبىلۋ قازىر قيىنداپ بارادى. ال ءبىزدىڭ ۇرپاعىمىز تەك كىتاپتا جازىلعان دەرەكتەرمەن عانا تانىسپاق، سول ۋاقىتتاعى سارعايعان فوتوكارتوچكالاردان عانا سوعىستىڭ جايىن بىلمەك. سوعىس ارداگەرلەرىنىڭ ەستەلىكتەرى بويىنشا بۇل تاعامدار زاماناۋي اس ۇيدە دايىندالعان. ىدىس- اياق سىلدىرىنا جارىلعان سنارياد پەن وق سۋىلى قوسىلماعان.
كۋلەش بۇل سورپا ۋكراينا جانە بەلورۋس حالىقتارىنا ءتان، دەگەنمەن سوعىس ۋاقىتىندا بارلىعى ءۇشىن ازىرلەنگەن. نەگىزى سۇيىق بيداي بوتقاسى، وعان كەز كەلگەن قولجەتىمدى ينگرەديەنتتەر قوسىلاتىن بولعان: كارتوپ، اسبۇرشاق. ءبىز كۋلەشتىڭ قۋىرىلعان پياز بەن ەت قوسىلعان مەرەكەلىك ءتۇرىن ۇسىنامىز. ول ءۇشىن: كارتوپ - 1 دانا؛ اسبۇرشاق - 50 گرامم؛ بيداي - 100 گرامم؛ پياز - 1 دانا؛ ەت - 50 گرامم؛ سۋ - 1,5 ل.
دايارلاۋ ءادىسى: قازانعا جۋىلعان بيدايدى، اسبۇرشاقتى سالامىز جانە تەكشە ءتارىزدى تۋرالعان كارتوپتى سالامىز. سۋ قۇيامىز دا قايناتامىز. باياۋ وتتا 30 مينۋتتاي ۋاقىتتا قايناتۋ قاجەت. ەتتى ۇساقتاپ تۋراپ، سالقىن تاباعا سالامىز جانە قىزۋى ورتاشا وتقا قويامىز. ۇساق تۋرالعان پيازدى قوسىپ، التىن تۇستەس بولعانشا قۋىرامىز. سورپاعا تۇز، دامدەۋىشتەر جانە تاباداعى قۋىرىلعان پياز بەن ەتتى قوسامىز.
كارتوپ باۋىرساعى نەگىزگى قۇرامى بويىنشا كارتوپ قابىعىن تازالاپ، ازداپ تۇزداپ، تابادا قۋىراتىن بولعان. ءتىپتى مۇنى 9 - مامىر مەرەكەسىنە وراي جايىلعان داستارحانعا ۇسىنۋعا ابدەن بولادى. قۇرامى: كارتوپ - 5 دانا؛ ۇن - 1 اس قاسىق؛ وسىمدىك مايى - 4 اس قاسىق؛ تۇز، بۇرىش ءوز قالاۋىڭىزشا.
دايارلاۋ ءادىسى: كارتوپتى قايناتىپ، ونىڭ سۋىعانىن كۇتەمىز. كارتوپتى قابىعىنان تازارتىپ، ۇساق ۇككىشتەن وتكىزەمىز. ۇن، تۇز، بۇرىش قوسىپ ارالاستىرىپ، شامامەن ديامەترى 5 س م قالىپقا كەلتىرەمىز. مايدى قىزدىرىپ 3-4 مينۋتتان ەكى جاعىن اۋدارىپ قۋىرامىز.
قاراقۇمىق بوتقاسى قوسىلعان ءبالىش سوعىستا جۇرگەندەر ءۇشىن تىلدا جۇمىس ىستەيتىن اۋىل تۇرعىندارى قولدان كەلگەننىڭ ءبارىن دە جاساعان. ال، مەرەكە كۇندەرى داستارحانعا قاراقۇمىق بوتقاسى قوسىلعان ءبالىش قويىلعان، بۇل ءبالىش كۇنى بۇگىنگە دەيىن كەيبىر ايماقتا ازىرلەنەتىن كورىنەدى. قۇرامى: ۇن - 400 گرامم؛ اشىتقى - 10 گرامم؛ سۋ - 150 م ل؛ وسىمدىك مايى - 3 اس قاسىق؛ قايناتىلعان قاراقۇمىق - 200 گرامم؛ پياز - 1 دانا؛ ساڭىراۋقۇلاق - 300 گرامم؛ تۇز - ءوز قالاۋىڭىزشا؛ جۇمىرتقا - 1 دانا.
دايارلاۋ ءادىسى: اشىتقىنى جىلى سۋدا ەرىتىپ، 10 مينۋت قويىپ قويۋ كەرەك. وسىمدىك مايىن قۇيىپ، تۇز سالامىز. ۇندى ارالاستىرا وتىرىپ، قامىر يلەيمىز. 10 مينۋت كولەمىندە يلەپ، جامىلعىمەن وراپ، جىلى جەرگە 30 مينۋتقا قالدىرامىز. 30 مينۋتتان كەيىن قامىردى تاعى دا ءبىر يلەپ، قايتادان 30 مينۋتقا جىلى جەرگە قالدىرامىز.
ىشىندەگى سالماسىن دايىنداۋ ءۇشىن پياز بەن ساڭىراۋقۇلاقتى قۋىرامىز، قايناتىلعان قاراقۇمىقپەن ارالاستىرامىز دا تۇز قوسامىز. قامىردىڭ ۇشتەن ەكى بولىگىن كەسىپ الىپ، قالىڭدىعى 1 س م ەتىپ دوڭگەلەكشە ەتىپ جايامىز. وعان سالمانى سالىپ، پەرگامەنتكە قويامىز. سالمانى سالعاندا، شەتىنەن 3 س م قالدىرۋدى ۇمىتپاۋ كەرەك. ءبالىشتىڭ بەتىنە جۇمىرتقا سارىسىن جاعىپ، 15 مينۋتقا 200 گرادۋس تەمپەراتۋرادا وتقا قويامىز. تەمپەراتۋرانى 170 گرادۋسقا ازايتىپ، تاعى 5 مينۋتقا قالدىرامىز. سونىمەن قاتار سالما رەتىندە تابادا قۋىرىلعان فارشتى قوسۋعا بولادى.
ورمان جيدەكتەرى قوسىلعان ءدامدى ءشاي بۇل ءشايدىڭ قۇرامى "ناعىز ادام" تۋرالى پوۆەستىنەن تىكەلەي سىلتەمە رەتىندە الىنعان. ەستەرىڭىزدە بولسا، ۇشقىش مەرەسيەۆ ورماندا كونسەرۆى بانكاسىن تاۋىپ الىپ، ءتۇرلى جيدەكتەرمەن، ەمدىك شوپتەرمەن ءشاي قايناتاتىن ەدى عوي؟
قۇرامى: جوكە گۇلى - 1 شاي قاسىعى؛ كيىكوتى - 1 شاي قاسىعى؛ يتبۇلدىرگەن، قىزىل جيدەك - 1 شاي قاسىعى. دايارلاۋ ءادىسى: بارلىق ينگرەديەنتتەردى ءبىر ىدىسقا سالىپ، قايناعان سۋ قۇيىپ، 3-5 مينۋتقا قالدىرامىز.
ماكالوۆكا بۇل تاعام اسكەري تاپقىرلىقتان تۋىنداعان. سولداتتار ەشقاشان وزدەرىمەن قاسىق الماعان ەكەن. ونىڭ ورنىنا ناندى الىپ، ونى شامالى سۋ ارالاستىرىلعان تۋشەنكاعا باتىرىپ جەگەن. ەگەر مۇمكىندىك بولسا ءسابىز بەن جۋا قوسىپ، تاماقتى ىسىتاتىن بولعان. قۇرامى: تۋشەنكا - 1 بانكا؛ سۋ - 100 مل؛ پياز - 1 دانا.
دايارلاۋ ءادىسى: تۋشەنكا بانكاسىن اشىپ، تاباعا قۇيامىز. مايى ەرىگەننەن كەيىن، ۇساق ەتىپ تۋرالعان پياز قوسىپ، سودان كەيىن سۋدى قۇيامىز. قارا نان كەسەكتەرىمەن داستارحانعا ۇسىنامىز.
Massaget.kz
