استانادا جاياۋ جۇرگىنشىلەرگە ارنالعان كوشە اشىلادى

«قازىر «استانا باس جوسپارىمەن» بولاشاق جوبالار تۋرالى ايتىپ، جوسپارلاپ جاتىرمىز. ءبىر جاياۋ جۇرگىنشىلەرگە ارنالعان كوشە اشقىمىز كەلەدى. ول جەردە كوپ اعاش، گۇل، مەيرامحانا، كافە، بالالارعا ارنالعان ويىن الاڭى بولادى. بۇل ءۇشىن اقبۇلاق وزەنىنىڭ ساياباق اۋماعى جاقسى سايكەس كەلىپ تۇر. قازىر وسى جوبانى قاراستىرىپ جاتىرمىز. ارينە، قالانىڭ ەسكى بولىگى دامۋ ءۇشىن ءوزىمىزدىڭ حالىقتى تارتاتىن ورتالىعىمىز بولۋ كەرەك» ، - دەدى بايقوڭىر اۋدانىنىڭ اكىمى.
ەرلان قانالىموۆتىڭ ايتۋىنشا، ەلورداداعى جاڭا اۋدان استانانىڭ ارتتا قالىپ بارا جاتقان شەت جەرلەرى بولماۋ ءۇشىن قۇرىلعان.
«جاڭا اۋدان قالانىڭ بار اۋماعىنىڭ بىردەي دامۋى ءۇشىن، ەشبىر جەرىنىڭ ارتتا قالىپ قويماۋى ءۇشىن قۇرىلدى. تۇرعىندار سول جاعالاۋدا نەمەسە وڭ جاعالاۋدا تۇرسا دا، ءومىر ءسۇرۋى ءۇشىن وتە قولايلى جانە تەڭ قۇقىلى بولۋ كەرەك. سەبەبى، بارلىعى - استانالىق ازاماتتار» ، - دەدى ول.