تالدىقورعاندا «ەلگە ارناۋ» اتتى رەسپۋبليكالىق كومپوزيتورلار بايقاۋى ءوتتى

تالدىقورعان. قازاقپارات - تالدىقورعاندا «ەلگە ارناۋ» اتتى ءبىرىنشى رەسپۋبليكالىق بايقاۋ ءوز مارەسىنە جەتتى.
None
None

ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا استانا قالاسىنىڭ 20 جىلدىعىنا وراي ۇيىمداستىرىلعان دوداعا 50 گە جۋىق ۇمىتكەر قاتىستى، دەپ حابارلايدى قازاقپارات ءتىلشىسى.

وتاندىق اۆتورلاردى قولداپ، زامان تالابىنا ساي مۋزىكالىق شىعارمالار مەن اندەردىڭ جازىلۋىن كوزدەيتىن شارا 2 نوميناتسيا بويىنشا ءوتتى. ءبىرىنشى باعىت وركەسترلەرگە جانە انسامبلدەرگە ارنالعان كولەمدى جانە كىشى مۋزىكالىق شىعارمالاردى قامتىسا، ەكىنشى باعىتتا «ەڭ ۇزدىك ءان» انىقتالدى. ىرىكتەۋ كەزەڭىنەن كەيىن 18 ۇمىتكەر اقتىق دوداعا جولداما الدى.

ال ۇمىتكەرلەرگە ەلىمىزدىڭ بەلدى كومپوزيتورلارى مەن اقىندارى تورەلىك ەتتى. قازىلار القاسىنىڭ ءتوراعاسى قازاقستاننىڭ ەڭبەك سىڭىرگەن قايراتكەرى سەرىك ەركىمبەكوۆ تۇڭعىش رەت بولسا دا بۇل ونەر سايىسىنىڭ وتە جوعارى دەڭگەيدە وتكەنىن اتاپ ءوتتى. اسىرەسە بايقاۋعا قاتىسقان كومپوزيتورلاردىڭ جاڭا تۋىندىلارىن شەبەر ورىنداپ بەرگەن مۇقان تولەبايەۆ اتىنداعى ۇلت اسپاپتار وركەسترىنىڭ ۇجىمىنا ءتانتى بولعانىن جاسىرمادى.

 null

بايقاۋدىڭ قورىتىندىسى بويىنشا وركەسترلەرگە ارنالعان كولەمدى جانە كىشى مۋزىكالىق شىعارمالار نوميناتسياسىندا 1- ورىن استانالىق ارمان جايىمعا بۇيىردى. ال «ەڭ ۇزدىك ءان» نوميناتسياسىندا ءبىرىنشى ورىندى اتىراۋدان كەلگەن باقىتبەك سارتبايەۆ پەن ەلوردالىق ءالىبي ابدينۋروۆ ءبولىستى.

جەڭىمپازدارعا قارجىلاي سىيلىقتار مەن ديپلومدار تاپسىرىلدى.

سوڭعى جاڭالىقتار