15:51, 03 - مامىر 2018 | GMT +5
توقتار اۋباكىروۆ وزگەپلانەتالىقتاردى ءوز كوزىمەن كورگەنىن ايتتى
قازاقتىڭ تۇڭعىش عارىشكەرى توقتار اۋباكىروۆ وزگەپلانەتالىقتاردى قايدان كورگەنىن بايانداپ بەردى.
امان تاسىعانمەن "Talk like" باعدارلاماسىندا سۇحباتتاسقان عارىشكەر وزگەپلانەتالىقتاردى كورگەنىن ايتتى.
«وزگەپلانەتالىقتاردىڭ بار ەكەنىنە سەنەم. ويتكەنى ولاردى ءوز كوزىممەن كورگەم. بىردە تاڭعى ساعات التىدا دالادا تۇرعانىمدا جاپ- جارىق جۇلدىزدى كوردىم. ول قىس تۇنى بولاتىن. وزگەپلانەتالىقتار ماعان قاراي جاقىنداپ كەلدى. جالعىز بولعاندىقتان كەيىن باسقالارعا ايتساڭ، ەشكىم سەنبەيدى. قاسىمداعى ءۇش جىگىتتى وياتتىم. ولار دا شىعىپ قارادى. جارىق بىزگە جاقىنداپ كەلدى دە، قايتا كوتەرىلىپ كەتتى. بىزگە ايتتاپ كەلدى»، - دەدى عارىشكەر.
الايدا توقتار اۋباكىروۆتىڭ ايتۋىنشا، سول وقيعادان سوڭ كوپ ۇزاماي قاسىنداعى ءۇش جىگىت تە جاستايىنان قازا بولعان.
