نۇرسۇلتان نازاربايەۆ گەنەرالدارعا كەڭەس بەردى
«ءباھادۇر بابالاردىڭ ەرەن ەڭبەگىنىڭ ەگەمەن ەلدىڭ ەرلەرى لايىقتى جالعاستىرۋدا دەپ ايتۋعا بولادى. بۇگىن ءبىر توپ ازاماتتاردى جوعارى ناگرادالارمەن ماراپاتتالۋى سونىڭ ايقىن دالەلى. مەن وسى ماراپاتتاۋعا كەلە جاتقاندا ويلاندىم. 74 جىل كەڭەس وداعىنىڭ قۇرامىندا بولعاندا، قاي ادامعا گەنەرال اتاعى تاپسىرىلدى؟ بۇگىن 1 كۇننىڭ ىشىندە 22 اتاقتى بەرگەلى وتىرمىن»، - دەپ اتاپ ءوتتى نۇرسۇلتان نازاربايەۆ.
وسى رەتتە قازاقستان پرەزيدەنتى تاۋەلسىزدىك العان كەزدە ەلدىڭ ارمياسىن باسقاراتىن گەنەرال ىزدەپ، جالعىز ساعادات نۇرماعانبەتوۆتى تاپقانىن ەسكە الدى.
«وسىنى ەستەرىڭنەن ەش ۋاقىتتا شىعارماڭدار. ەل بولعاننان كەيىن، تاۋەلسىز قازاقستان بولعاننان كەيىن ءوز باس قولباسشىسى قولىنان سەندەرگە وسىنداي اتاق بەرەدى. سەبەبى، گەنەرال دەگەن ول ەڭ جوعارى اتاق، ءبىر جاعىنان قىزمەتتەرىڭدى باعالاۋ. وقالى كيىم كيگەن ازاماتتاردىڭ ەڭ جوعارعى باقىتى، قۋانىشى، بالا-شاعا مەن وتباسىنىڭ قۋانىشى. سونى ەشقاشان ۇمىتپاساڭدار دەگەن ويدامىن»، - دەدى ەلباسى.
