الەمدەگى ەڭ ۇلكەن قوقىس وڭدەيتىن قىتايلىق زاۋىت قوقىس مۋزەيى دە بولماق

استانا. قازاقپارات - الەمدە قوقىس وڭدەيتىن زاۋىتتاردىڭ قاتارى جىلدان جىلعا كوبەيىپ كەلەدى.

ويتكەنى، ميلليونداعان توننا قوقىس ادامزاتتىڭ باس اۋرۋىنا اينالعالى قاشان. اۋانى دا، مۇحيتتى دا، قۇرلىقتى دا، ت. ب، لاستاپ بىتكەن قوقىستان قۇتىلۋ ءۇشىن ونى قايتا وڭدەۋ زاۋىتتارى كوپتەپ سالىنۋدا. بۇل سالادا وزگەلەرگە ۇلگى كورسەتىپ وتىرعان شۆەيتساريا، جاپونيا سىندى دامىعان ەلدەردىڭ تاجىريبەسى دە ەسكەرىلۋدە.

دەسە دە الەمدەگى اسا ءىرى قوقىس وڭدەيتىن زاۋىتتىڭ قاي ەلدە ورنالاسقانىن بىلەسىز بە؟ البەتتە، حالقىنىڭ سانى كول-كوسىر قىتايدا. ءبىز ءسوز ەتىپ وتىرعان زاۋىت 2020 -جىلى پايدالانۋعا بەرىلمەك.

اتالعان زاۋىت تاۋلىگىنە 5000 توننا قوقىستى جاعىپ جىبەرە الادى. بۇل كورسەتكىش 20 ميلليون تۇرعىنى بار شىجىن تۇرعىندارى كۇنىنە شىعاراتىن قوقىستىڭ ۇشتەن ءبىرىن عانا قۇرايدى. بۇل زاۋىت تەك قوقىس جاعىپ قويماي قوسىمشا ەنەرگيا وندىرەتىن بولادى.

سونداي-اق، قوقىس مۋزەيى قىزمەتىن دە قوسا اتقارماق. ساۋلەتى ەرەكشە زاۋىتتىڭ شاتىرى (66000 شارشى مەتر) قالانىڭ ءبىراز بولىگىن ەنەرگيامەن قامتاماسىز ەتەتىن، 44000 شارشى مەتردى قۇرايتىن فوتوەلەكترلى پانەلدەرمەن جابىلادى.