باسكەتبول: قازاقستاننىڭ قىزدار قۇراماسى ازيا كۋبوگىندا قىتايلارعا جول بەردى

استانا. قازاقپارات - قىتايدىڭ شىنجىن قالاسىندا 3x3 باسكەتبولدان ءوتىپ جاتقان ازيا كۋبوگىندا قازاقستان قىزدار قۇراماسى پلەي-وفف كەزەڭىندە قىتايلىقتاردان ۇتىلىپ قالدى، دەپ حابارلايدى قازاقپارات ءتىلشىسى.

قىتايلىق سپورت سايتىنىڭ حابارلاۋىنا قاراعاندا قازاقستاننىڭ قىزدار قۇراماسى ءوز توبىندا توپتىق كەزەڭدەگى ەكى ويىندا دا، جەڭىسكە جەتىپ، ءبىرىنشى ورىنمەن پلەي-وفف كەزەڭىنە شىققان بولاتىن. وكىنىشكە قاراي شيرەك فينالدا ءبىزدىڭ ارۋلار جارىس قوجايىندارى - قىتاي قۇراماسىمەن كۇش سىناسىپ، 16:13 ەسەبىمەن ۇتىلىپ قالدى.

ال D توبىندا سىنعا تۇسكەن جىگىتتەرىمىز العاشقى ەكى ويىندا دا، قارسىلاستارىنا ەسە جىبەرىپ، توپتىق كەزەڭنەن وتە المادى. ولار ءبىرىنشى ويىندا جاڭا زەلانديا قۇراماسىنان 22:8 ەسەبىمەن ۇتىلسا، اۋستراليا قۇراماسىنا 21:9 ەسەبىمەن جول بەردى.

اۆتور: كۇنسۇلتان وتارباي