11:53, 02 - مامىر 2018 | GMT +5
سپورتشىنىڭ جاسىل الاڭدا نانعا كورسەتكەن قۇرمەتى
استانا. قازاقپارات - الەمدەگى تابىستى ويىنشىلاردىڭ ءبىرى، لوندون قالاسىنىڭ «ارسەنال» فۋتبول كلۋبىنىڭ جارتىلاي قورعاۋشىسى مەسۋت ءوزىل جاسىل الاڭدا ويىن ورنەگىن كورسەتىپ ءجۇرىپ، كورەرمەندەردى ءبىر قىلىعىمەن قايران قالدىرعان ەدى.
مۇسىلمان ادامنىڭ نانعا قالاي قۇرمەت كورسەتەتىنىن ارەكەتىمەن دالەلدەپ، جانكۇيەرلەردى ءتانتى ەتتى. ناقتىراق ايتقاندا، اعىلشىنداردىڭ اتالعان كومانداسى مادريد قالاسىنىڭ «اتلەتيكو» فۋتبول كلۋبىمەن ءساۋىر ايىنىڭ 26 سى كۇنى جاسىل الاڭدا باق سىناسقان بولاتىن. ويىن كەزىندە جانكۇيەرلەردىڭ ءبىرى ناننىڭ ءبىر بولىگىن الاڭعا قاراي لاقتىرىپ جىبەرەدى. مەسۋت ءوزىل ناندى جەردەن كوتەرىپ الىپ، ماڭدايىنا تيگىزىپ، ناندى ءسۇيىپ، ادام اياعى باسپايتىن جەرگە قويادى.
