قولدى سەنسورلىق ەكرانعا اينالدىراتىن سمارت- ساعات جاسالدى

استانا. قازاقپارات - بولاشاقتىڭ كەلگەنىنە سەنۋ قيىن. دەگەنمەن، الەم كەرەمەت قارقىنمەن العا جىلجۋدا.

بۇعان مىسال رەتىندە كوپتەگەن عىلىمي جانە تەحنولوگيالىق جەتىستىكتەردى اتاۋعا بولادى. بۇل ورايدا TengriMIX پايدالانۋشى قولىن سەنسورلىق ەكرانعا اينالدىراتىن ساعات تۋرالى حابارلايدى.

پيتسبۋرگتاعى (ا ق ش) كارنەگي-مەللون ۋنيۆەرسيتەتىنىڭ عالىمدارى سەنسورلىق ەكراندى تىكەلەي ادامنىڭ قولىنا تۇسىرەتىن، ءوزىنىڭ LumiWatch سمارت-ساعاتتارىنىڭ العاشقىسىن ۇسىندى. ساعاتتىڭ ينتەراكتيۆتى بەتىن پروەكسيالاۋعا بولادى. مىسالى، ول بىلەكشەدە، پايدالانۋشىعا ۆيرتۋالدى ديسپلەيدى تاپ- جانە-سۆايپ قيمىلدارى ارقىلى باسقارۋعا مۇمكىندىك بەرەدى. سونىمەن قاتار، سۋرەت 40 سانتيمەترگە دەيىن ۇلعايادى. ول، ازىرلەۋشىلەردىڭ ايتۋىنشا، ادەتتەگى «اقىلدى» ساعاتتاردىڭ ينتەرفەيسىنەن شامامەن بەس ەسە ۇلكەن.

سەنسورلىق ەكران ءۇش لازەرمەن (قىزىل، كوك جانە جاسىل) ساۋلەلەنۋ ارقىلى جاسالادى جانە پروەكتسيا كوشەدە اجىراتىلاتىن جەتكىلىكتى جارىقتىققا يە. سونداي-اق، قۇرىلعىدا ساۋساقتى ۇنەمى قاداعالايتىن فۋنكسيا بار.

ساعات دەربەس جۇمىس ىستەيدى، پروەكتوردان بولەك، ءتورت يادرولى پروتسەسسورمەن، تەرەڭدىك داتچيگىمەن، 768 مەگابايت جەدەل جادىمەن، 4 گيگابايت فلەش-جادى جانە سالىستىرمالى قۋاتتى باتارەيامەن جابدىقتالعان. زەرتتەۋشىلەردىڭ ايتۋىنشا، تۇراقتى پروەكتسيالاۋمەن ساعات ءبىر قۋات كوزىمەن ءبىر ساعاتتان ارتىق جۇمىس ىستەدى.

سونداي-اق، ازىرلەۋشىلەر وسىنداي تەحنولوگيانى جاساۋعا بايلانىستى ءبىرقاتار كەدەرگىلەردى اتاپ وتەدى. اتاپ ايتقاندا، ينتەراكتيۆتى بەتتى قولعا ءتۇسىرۋ وڭاي ەمەس. ويتكەنى قول تەگىس ەمەس. وسىعان بايلانىستى جۇمىستا ءبىرقاتار كەدەرگىلەر تۋىنداۋى ىقتيمال.

ايتا كەتەرلىگى، ەگەر قۇرىلعى ساتىلىمعا شىقسا، ونىڭ باعاسى شامامەن 600 دوللاردى قۇرايدى.