07:22, 02 - مامىر 2018 | GMT +5
نيكول پاشينيان ارمەنيا پرەمەرى بولۋعا قاجەتتى داۋىستى جيناي المادى
استانا. قازاقپارات - نيكول پاشينيان ارمەنيا پرەمەر-ءمينيسترى بولۋعا قاجەتتى داۋىستى جيناي المادى، دەپ جازادى ارمەنپرەسس.
بۇل 1- مامىر كۇنى وتكەن ارمەنيانىڭ ۇلتتىق جينالىسىنىڭ ارنايى وتىرىسىندا اشىق داۋىس بەرۋ ناتيجەسىندە بەلگىلى بولدى. پاشينياندى 45 ادام جاقتاسا، 56 سى قارسى داۋىس بەرگەن. ەشكىم قالىس قالماعان.
ارمەنيانىڭ پرەمەرى بولۋ ءۇشىن پاشينيانعا كەم دەگەندە 53 داۋىس الۋ كەرەك ەدى.
ەسكە سالا كەتەيىك، بۇعان دەيىن ارمەنيا ۇلتتىق جينالىسىنىڭ ءتوراعاسى ارا بابلويان ەلدە پرەمەر-ءمينيستردى سايلاۋ وتەتىنىن مالىمدەگەن ەدى.
