كاۋاپ دايىنداۋ تاسىلدەرى

استانا. قازاقپارات - كوكتەمگى كاۋاپقا مارينادتى قالاي جاساسا بولادى؟ كاۋاپتى ءدامدى، پايدالى، باستىسى وتە قاراپايىم مارينادتاۋدىڭ بەس ءادىسىن ۇسىنامىز!

كيۆي

 ەتتى كيۆيدە بىرنەشە ساعاتتان باستاپ، تاۋلىككە دەيىن ۇستاۋعا بولادى، ءبىراق سەرۋەنگە شىققانعا دەيىن ەت مارينادتالۋ ءۇشىن تۇنگە قالدىرعان جاقسى بولادى. ەكى كيلوگرام ەتكە جۇقا دومالاقتاپ تۋرالعان بەس كيۆي الىڭىز. ەتتى پورتسيامەن بولىككە تۋراپ، جەمىستەرمەن جاقسىلاپ ارالاستىرىڭىز. قاجەت بولعاندا تۇزداپ، بۇرىش سەبىڭىز، ءبىراق تاماق تالعاعىشتار ەتتى تۋرا شامپۋرعا تىزگەن كەزدە نەمەسە گريل تورىنا سالعاندا دامدەۋدى ۇسىنادى.

ليمون جانە پياز

سىركە سۋمەن جانە دامدەۋىشپەن مارينادتاۋدىڭ ءداستۇرلى ادىسىنە ەڭ جاقسى بالاما بولىپ كەلەدى. ءبىر كيلوگرامم ەتكە پىسكەن كەزدە قانداي ءدامدى كوبىرەك سەزگىڭىز كەلەتىنىنە بايلانىستى سىزگە ءبىر جارىم- ەكى ليمون جانە ەكى ورتاشا پياز قاجەت بولادى. پيازدى جارتى دومالاقتاپ، ال ەتتى پورتسياعا ءبولىپ، تىلىمدەپ تۋراڭىز. ليموننان تۋرا كاۋاپ سالىنعان ىدىسقا شىرىنىن سىعىڭىز، قابىعىن شاعىنداپ ءتىلىپ تۋراڭىز دا، ەتپەن ارالاستىرىڭىز. ەتتى قولمەن ەكى- ءۇش مينۋت بويى سىعىمداپ، ارالاستىرىپ وتىرىڭىز. كاۋاپ ەكى ساعاتتان كەيىن پىسىرۋگە دايىن بولادى.

ايران

سىزگە بار جوعى ءبىر ليتر ايران كەرەك بولادى، ونى پورتسياعا تۋرالعان ەتكە قۇياسىز. بۇل كاۋاپتى مارينادتاۋدىڭ ەڭ قاراپايىم، ءارى قولجەتىمدى ادىستەرىنىڭ ءبىرى.

انار شىرىنى

تاماق تالعاعىشتار ەتتى مارينادتاۋ رەتىندە انار شىرىنىن اسا قاتتى كۇرمەتتەيدى، ءبىراق شىنداپ كەلگەندە بۇل ءادىستىڭ ءبىر ەرەكشەلىگى بار: شىرىن جاڭا سىعىلعان بولۋى ءتيىس، بۇل ماريناد ءتۇرى قىمباتقا تۇسەدى. دەگەنمەن، ەرەكشە جاعدايلاردا ەتتى انار شىرىنىندا مارينادتاۋ ارقىلى قوناقتارىڭىزدى تاڭ قالدىرا الاسىز. تاعامدى ۇسىنعاندا ەتتى انار داندەرىمەن بەزەندىرۋدى ۇسىنامىز.

كوك جانە پياز

 كاۋاپتى مارينادتاۋدىڭ «كاۆكازدىق» ءادىسى مىناداي -  ەتكە تۋرالعان كوك جانە پيازدى كوپ كولەمدە سالادى. مارينادتاۋ ءۇشىن كينزا، اقجەلكەن، اسكوك، ناسىبايگۇل، ورەگانو جانە مايوران قولدانىلادى. ءسىز وسى بارلىق ءشوپتى ارالاستىرا الاسىز، نەمەسە ءوز دامىڭىزگە قاراي تاڭداپ الىپ، تىپتەن تارحۋن نەمەسە سالبەندى دە قوسا الاسىز. پياز، قۋىراتىن ويىڭىز بولسا، ادەتتەگىدەي دومالاقتاپ تۋرالادى، نەمەسە، تەك مارينادتاۋعا عانا كەرەك بولسا، وندا جارتىلاي دومالاقتاپ تۋرايسىز. ەتتى ءتۇنى بويى قالدىرامىز -  ال تاڭەرتەڭ سالاۋاتتى، ءارى پايدالى كاۋاپ دايىن بولادى. ايتپاقشى، وسىنداي مارينادتاۋ ءتۇرى قوي جانە تاۋىق ەتىنە دە جاقسى كەلەدى.

kz.everydayme.com