كيم چەن ىن مەن دونالد ترامپتىڭ كەزدەسۋى سينگاپۋردە ءوتۋى مۇمكىن
رەسەيدىڭ سىرتقى ىستەر ءمينيسترى الەكسەي زايتسيەۆ بولسا:
«كەزدەسۋدە قوس تاراپتىڭ دا ساياسي ديپلوماتيالىق قاتىناستا جاقىنداسىپ، كورەي تۇبەگىندەگى يادرولىق ماسەلەنى شەشۋگە مۇددەلى ەكەنىن كورسەتتى»، - دەيدى.
ال قىتايدىڭ سىرتقى ىستەر ءمينيسترى لۋ كان ءسامميتتى تۇبەكتەگى تۇيتكىلدى بەيبىت جولمەن شەشۋدىڭ باستاماسى دەپ اتادى. ا ق ش پەن سولتۇستىك كورەيانىڭ ارا قاتىناسى جاقسارىپ كەلەدى. سوڭعى بىرنەشە اي ىشىندە دونالد ترامپتىڭ كيم چەن ىنگە قاتىستى كوزقاراسى تۇبەگەيلى وزگەرگەن. بۇل تۋرالى امەريكا پرەزيدەنتى گەرمانيا كانسلەرى انگەلا مەركەلمەن كەزدەسۋىندە مالىمدەدى.
ءوز سوزىندە ترامپ سولتۇستىك كورەيالىق ارىپتەسىمەن جۇزدەسۋدەن ۇلكەن جاڭالىق كۇتەتىنىن اتاپ ءوتتى. ال ب ۇ ۇ باس حاتشىسى انتونيۋ گۋتەرريش تاريحي قادام جاساعان قوس مەملەكەت باسشىسىنىڭ ارەكەتىن قۇرمەتكە لايىق دەدى. كورەي ارالىق ءسامميتتى سەۋل تۇرعىندارى دا جاعىمدى قابىلداعان. ءتىپتى جەرگىلىكتى بيلىك وڭتۇستىك پەن سولتۇستىك قۇرعان بەيبىتشىلىكتى سەۋل دە قولدايدى دەپ ۇرانداتتى. ساراپشىلاردىڭ ايتۋىنشا، بۇل سامميت - كيم چەن ىن مەن دونالد ترامپتىڭ كەزدەسۋىنە دايىندىق. نەگىزگى ماسەلەلەر وسى جيىندا تالقىلانۋى مۇمكىن. ازىرگە باسقوسۋ سينگاپۋردە ءوتۋى مۇمكىن دەگەن بولجام بار. دەگەنمەن ازىرگە وندا رەسمي ءوتىنىش تۇسپەگەن.
www.24.kz
