ايەل دارەتحاناعا كىرۋ ءۇشىن كورشىلەرىن سوتقا بەردى

استانا. قازاقپارات - ومسكىدە اۋداندىق ورتالىق سوت ەرەكشە ءىستى قارادى. 32 جاستاعى ايەل جاتاقحاناداعى كورشىلەرى ءوزىن دارەتحانا مەن جۋىناتىن بولمەگە كىرگىزبەي قويعاندىقتان، ولاردى سوتقا بەردى، دەپ حابارلايدى جەرگىلىكتى سوتتىڭ باسپا ءسوز قىزمەتىنە سىلتەمە جاساپ Stan.kz.

سوتقا جۇگىنگەن ايەل دارەتحانا مەن جۋىناتىن بولمەنى قولدانۋعا رۇقسات بەرۋىن جانە مورالدىق شىعىن تالاپ ەتىپتى.

«ارىزدانۋشىنىڭ ايتۋىنشا، ول وزىنە تيەسىلى بولمەدە تۇرا المايدى. سەبەبى جاۋاپ بەرۋشىلەر ورتاق قولدانىسقا ارنالعان ورىنداردى قولدانۋعا كەدەرگى كەلتىرگەن. ال جاۋاپ بەرۋشىلەردىڭ سوزىنشە، ايەل دارەتحاناسىز بولمەنى يەلەنگەندىكتەن، ونىڭ بولمەسىنىڭ ورتاق قولدانىسقا ارنالعان ورىندارعا قاتىسى جوق»، - دەلىنەدى حابارلامادا.

ءوز كەزەگىندە سوت زارداپ شەگۋشىنى جاقتاپ، ونىڭ كورشىلەرىنە دارەتحانا مەن جۋىناتىن بولمەنى قولدانۋىنا كەدەرگى كەلتىرمەۋىن مىندەتتەدى.