رەسەي - قازاقستان تۋريستەرى ەڭ كوپ باراتىن ەل

استانا. قازاقپارات - وتكەن جىلى قازاقستان تۋريستەرى ەڭ كوپ بارعان ەل رەسەي بولىپ شىقتى.

قازاقستاننىڭ ستاتيستيكا كوميتەتى حابارلاۋى بويىنشا، وتكەن جىلى رەسەيگە 4,6 ميلليون ادام بارىپ قايتقان. ال رەسەيدەن كەلىپ-كەتكەندەردىڭ سانى 1,7 ميلليون ادام بولعان.

قازاقستاندىقتاردىڭ وتكەن جىلى رەسەيدەن كەيىن كوپ ساپارلاپ بارعان ەلى قىرعىزستان بولىپ وتىر. قىرعىزستانعا - 2,7 ميلليون، وزبەكستانعا 1,7 ميلليون قازاقستاندىق بارىپ قايتقان.

ال قازاقستانعا ساپارلاپ كەلگەندەردىڭ اراسىندا وزبەكستان تۋريستەرى ءبىرىنشى ورىندا تۇر. وتكەن جىلى قازاقستانعا وزبەكستاننان 3,3 ميلليون ادام كەلىپ كەتكەن. رەسەي قازاقستانعا ساپارلاعان 1,7 ميلليون اداممەن ەكىنشى ورىندا تۇرسا، قىرعىزستان ءۇشىنشى ورىندا تۇر. وتكەن جىلى قازاقستانعا 1,2 ميلليون قىرعىزستاندىق تۋريست ساپارلاپ قايتقان.

2017-جىلى قازاقستانعا ساپارلاپ كەتكەن تۋريستەردىڭ جالپى سانى 7,7 ميلليون ادامدى قۇراعان. بىلتىر استانادا «ەكسپو-2017» حالىقارالىق كورمەسى وتكەن بولاتىن.