قازاقستاننىڭ قارجى ءمينيسترى بەيجىڭدەگى ارىپتەسىمەن كەزدەستى
ق ح ر- نىڭ قارجى ءمينيسترى ليۋ كۋنمەن كەزدەسۋى بارىسىندا ەكى ەلدىڭ قازىرگى ەكونوميكالىق جاعدايى، «ءبىر بەلدەۋ، ءبىر باعىت» باستاماسىنىڭ اياسىنداعى بىرلەسكەن قيمىلدار، «نۇرلى جول» باعدارلاماسى، قارجى نارىقتارىنىڭ قىزمەتى مەن ولار كورسەتەتىن قىزمەت تۇرلەرى، سونداي-اق «استانا» حالىقارالىق قارجى ورتالىعىنىڭ جاعدايى ءسوز بولدى.
باقىت سۇلتانوۆ «ءبىر بەلدەۋ، ءبىر باعىت» جانە «نۇرلى جول» باعدارلاماسىنىڭ ارقاسىندا بەلسەندى ينۆەستيتسيالىق ىنتىماقتاستىق ورناپ، ءىرى جوبالاردى جۇزەگە اسىرۋعا ينۆەستيتسيالار تارتىلىپ جاتقانىن ايتتى.
تاراپتار جاقىن بولاشاقتا ءوزارا تۇسىنىستىك پەن ىنتىماقتاستىق جونىندە ۆەدومستۆوارالىق مەموراندۋم جاساۋعا كەلىستى.
بەيجىگە ساپارى اياسىندا باقىت سۇلتانوۆ ق ح ر- نىڭ قۇندى قاعازداردى رەتتەۋ جونىندەگى كوميسسيا ءتوراعاسى ليۋ شيۋمەن جانە باس كەدەن باسقارماسىنىڭ باسشىسى ني يەفەنمەن جانە ق ح ر- دىڭ «ەكسيم بانكىنىڭ» ۆيتسە-پرەزيدەنتى سۋن پينمەن كەلىسسوزدەر جۇرگىزدى.
