نيۋ-يورك پوليتسەيى ديماش نيازوۆتىڭ كەزەكتى كەزدەسۋى ءساتسىز اياقتالدى

استانا. قازاقپارات - قازاقستاننىڭ تۋماسى ديماش نيازوۆ (13-0-3، 6 ك و) كاسىپقوي بوكستاعى كەزەكتى كەزدەسۋىن وتكىزدى، دەپ حابارلايدى Sports.kz.

نيۋيوركتە Barclays Center ارەناسىندا دەنيەل دجەيكوبس (33-2، 29 ك و) - ماتسەي سۋلەتسكيدىڭ (26-0، 10 ك و) بوكس كەشىنىڭ اياسىندا ول مەكسيكالىق انحەل سارينامەن (7-7-2، 3 ك و) كەزدەستى. جەڭىل سالماقتا 6 راۋندقا سوزىلعان جەكپە-جەك سارينانىڭ جەڭىسىمەن اياقتالدى. تورەشىلەر 59-52، 59-53، 58-54 ەسەبىمەن جەڭىستى ءبىراۋىزدان مەكسيكالىققا بەردى. بۇل ديماش ءۇشىن كاسىبي بوكستاعى 8- كەزدەسۋ بولاتىن جانە نيازوۆ وسى جولى العاش رەت جەڭىلدى.

وسى رەتتە ديماشتىڭ 5- راۋندتا نوكداۋندا بولعاندىعىن ايتا كەتۋ كەرەك.

وسىعان دەيىن تىلشىلەرگە بەرگەن سۇحباتىندا قازاقستاندىق: «مەن جارقىن جەڭىستەرىمدى ودان ءارى دە جالعاستىرا بەرگىم كەلەدى. ماعان ءوزىمنىڭ اتاق-داڭقىمدى الەمگە ايقىنداۋ ءۇشىن ۇلكەن الاڭ كەرەك. الدىدا مەن ۇلكەن ىستەر كۇتىپ تۇر»، - دەگەن بولاتىن.