قازاقستاننىڭ باسىم بولىگىندە جاۋىن جاۋادى
اتموسفەرالىق اۋا اعىنداردىڭ وتۋىنە بايلانىستى قازاقستاننىڭ باسىم بولىگىندە جاۋىن-شاشىن بولادى، تەك وڭتۇستىكتە، وڭتۇستىك-باتىستا جانە سولتۇستىك-باتىستا جاۋىن-شاشىنسىز اۋا رايى كۇتىلەدى.
رەسپۋبليكانىڭ كەي جەرلەرىندە جەلدىڭ كۇشەيۋى، تۇمان، نايزاعاي كۇتىلەدى، باتىستا بۇرشاق بولۋى مۇمكىن.
شىعىس قازاقستان، پاۆلودار وبلىستارىنىڭ كەي جەرلەرىندە نايزاعاي، جەلدىڭ جىلدامدىعى 15-، ەكپىنى 25 م/س جەتەدى. شىعىس قازاقستان وبلىسىندا تۇمان كۇتىلەدى.
اقمولا، الماتى، قاراعاندى، سولتۇستىك قازاقستان، جامبىل وبلىستارىنىڭ كەي جەرلەرىندە تۇمان بولىپ، جەلدىڭ جىلدامدىعى 15-20 م/س كۇشەيەدى.
قاراعاندى وبلىسىندا تۇندە جانە تاڭەرتەڭ نايزاعاي بولادى. كۇندىز باتىس قازاقستان وبلىسىنىڭ كەي جەرلەرىندە نايزاعاي كۇتىلەدى، جەلدىڭ كۇشى 17-22 م/س جەتەدى، بۇرشاق بولۋى ىقتيمال.
كۇندىز اتىراۋ وبلىسىندا جەل شاڭدى داۋىلمەن 15-20 م/س كۇشەيەدى. كۇندىز اقتوبە، وڭتۇستىك قازاقستان وبلىستارىنىڭ كەي جەرلەرىندە جەلدىڭ 15-20 م/س كۇشەيۋى كۇتىلەدى. قوستاناي، ماڭعىستاۋ وبلىستارىندا تۇمان تۇسەدى.
