بارلىق حالىقتىڭ مادەنيەتىن ءتۇيسىنىپ، قۇرمەتتەگەندە عانا باقىتتى بولامىز - پرەزيدەنت

استانا. قازاقپارات - قازاقستان پرەزيدەنتى نۇرسۇلتان نازاربايەۆ قازاقستاندىقتاردى كوپ ۇلتتى وتاندى ماقتان تۇتۋعا شاقىردى، دەپ حابارلايدى قازاقپارات ءتىلشىسى.

«ۇلتارالىق قارىم-قاتىناس ءارقاشان نازىك ماتەريا بولىپ كەلەدى. مۇندا ناقتى ماڭىز بەرىپ، ەشتەڭەنى جىبەرىپ الماۋ كەرەك. ارينە، ءار ۇلتتىڭ، حالىقتىڭ ۇلتتىق ماقتانىشى، ۇلتتىق كوڭىل-كۇيى بار. بۇنىڭ ءجىپ-جىڭىشكە مەمبرانادان، ۇلتشىلدىقتىڭ شەڭبەرىنەن وتپەگەنى ماڭىزدى. ول مۇلدە باسقا ماسەلە. ءبىز، قازاقستاندىقتار، حالقىمىز بەن ەلىمىزدى ماقتان تۇتامىز، ءبىراق ءبىز باسقا دا حالىقتاردىڭ مادەنيەتىن، ءدىنىن، داستۇرلەرىن دە قۇرمەتتەيمىز. مىنە، وسىناۋ ارتۇرلىلىكتىڭ ىشىندە ءوسىمنىڭ كەرەمەت نۇكتەسى بار. ولاي ءومىر ءسۇرۋ دە قىزىقتى. ەگەر كەنەتتەن بارلىق نارسە بىردەي بولىپ كەتسە، كەز-كەلگەن جەرگە بارۋدىڭ قاجەتى بولماسا بۇل الەمدە ءومىر ءسۇرۋدىڭ ءوزى قىزىقتى بولماس ەدى. سوندىقتان ءبىز بارلىعىن دا قۇرمەتتەپ، وسى مادەنيەتتەردى تۇيسىنگەندە عانا باقىتتى بولامىز »، - دەدى پرەزيدەنت قازاقستان حالقى اسسامبلەياسىنىڭ XXVI سەسسياسىندا سويلەگەن سوزىندە.

مەملەكەت باسشىسى اسسامبلەيانىڭ 40 بولىمشەسى مەن ورتالىعى قازىردىڭ وزىندە جەتەكشى ۋنيۆەرسيتەتتەردە جۇمىس ىستەيتىنىن اتاپ ءوتتى.

«وتكەن جىلى قحا قۇرىلىمدارى ونداعان كىتاپتار مەن جۇزدەگەن ماقالالاردى جارىققا شىعاردى. بۇل جۇمىستى جۇيەلى تۇردە ۇيلەستىرۋ كەرەك. ولاردى قۇرىپ قانا قويماي، ادامدار ءبىز قالاي جۇمىس ىستەپ جاتقانىمىزدى بىلەتىندەي ىسكە اسىرۋ كەرەكپىز. قحا- عا مەملەكەتتىك ورگاندارمەن بىرلەسە وتىرىپ، 2018-2020-جىلدارعا ارنالعان ۇلتارالىق، الەۋمەتتىك-دەموگرافيالىق سالاداعى عىلىمي جۇمىستاردىڭ جوسپارىن ازىرلەۋدى تاپسىرامىن. وسى مىندەتتەردىڭ جۇزەگە اسىرىلۋى ق ح ا جۇمىسىن جاڭا دەڭگەيگە كوتەرەتىنىنە سەنىمدىمىن»، - دەدى مەملەكەت باسشىسى.